აზერბაიჯანის სახელმწიფო მთარგმნელობითი ცენტრის საქმიანობის ძირითადი მიმართულებებია აზერბაიჯანული ენის სწორად გამოყენება და მთარგმნელობითი სამუშაოების ცენტრალიზებული წესით ორგანიზება და რეგულირება, აზერბაიჯანული ლიტერატურის გავრცელება და პოპულარიზაცია საერთაშორისო სამყაროში და უცხოური ლიტერატურის აზერბაიჯანში.

ქვეყანაში ლიტერატურული თარგმანის სფეროს გაუმჯობესებისა და შეფასების მიზნით აზერბაიჯანის სახელმწიფო მთარგმნელობითი ცენტრი ატარებს კონკურსს „დაფნის ფოთოლი“. შესაბამისი ინფორმაცია განთავსებულია ცენტრის ოფიციალურ ვებგვერდზე.

აზერბაიჯანის სახელმწიფო მთარგმნელლობითი ცენტრის მიერ გამოცემული წიგნები შეგიძლიათ შეიძინოთ შემდეგ მაღაზიებში:

Libraff”-ი

“Kitabevim.az”-ი

“Akademkitab”-ი

“Azərkitab”-ი

პრეზიდენტის აპარატის წიგნის სახლი

აზერბაიჯანის ენების უნივერსიტეტის სავაჭრო ჯიხური

წიგნის მაღაზია „პერო“

წიგნის სახლი „ოხუმალი“ (საკითხავი)

წიგნის სახლი „ლიბერი“

აზერბაიჯანის სახელმწიფო მთარგმნელობითი ცენტრი აწყობს კურსებს სხვადასხვა ენაზე.

აზერბაიჯანის სახელმწიფო მთარგმნელობითი ცენტრი ახორციელებს შერჩევით ტურებს ქვეყანაში ენისა და მთარგმნელობითი მუშაობის გაუმჯობესების, წერილობითი, ზეპირი და თანმიმდევრული თარგმანის პროფესიონალი სპეციალისტების გამოვლენის, აგრეთვე მთარგმნელთა პროფესიული შესაძლებლობების შემოწმებისა და სერთიფიცირების მიზნით.

სხვადასხვა ინსტიტუტს, ორგანიზაციას, დამსაქმებელს შეუძლია მიმართოს აზერბაიჯანის სახელმწიფო მთარგმნელობით ცენტრს, რათა დადგინდეს მათი თანამშრომლების მთარგმნელობითი უნარი. ამავდროულად, ინდივიდუალური განცხადების საფუძველზე მიიღება აქტიური მთარგმნელობითი საქმიანობით დაკავებული პირების პროფესიული შესაძლებლობების შემოწმება.

აზერბაიჯანის სახელმწიფო მთარგმნელობითი ცენტრი არსებული ვაკანსიების შესახებ ათავსებს ინფორმაციას ცენტრის სოციალური ქსელის გვერდზე და სხვადასხვა დასაქმების პორტალებში, ასევე აგზავნის შესაბამის ინფორმაციას დასაქმების სახელმწიფო სააგენტოში.

თუ კანდიდატის CV შეესაბამება ვაკანსიაზე გამოცხადებულ პირობებს, მას უკავშირდებიან და იწვევენ გასაუბრებაზე ცოდნის უშუალოდ შესამოწმებლად. სიტუაციიდან გამომდინარე, გასაუბრება შეიძლება იყოს წერილობითი, ზეპირი ან ორივე ერთად.

აზერბაიჯანის სახელმწიფო მთარგმნელობითმა ცენტრმა დააარსა Az.DTM მთარგმნელობითი სააგენტო, რათა უზრუნველყოს მთარგმნელობითი მომსახურება თხოვნის შემთხვევაში. შეგიძლიათ მიმართოთ ცენტრს და მიიღოთ ინფორმაცია სააგენტოს საკონტაქტო საშუალებების შესახებ.