ჩრდილოეთ კვიპროსის თურქული რესპუბლიკის ოფიციალური წარმომადგენელი და დელეგაცია მთარგმნელობით ცენტრში
სახელმწიფო მთარგმნელობით ცენტრს ეწვივნენ ჩრდილოეთ კვიპროსის თურქული რესპუბლიკის წარმომადგენელი ბაქოში უფუკ თურგანერი, ჩრდილოეთ კვიპროსის ტურიზმის, ახალგაზრდობისა და გარემოს დაცვის სამინისტროს კულტურის დეპარტამენტის წევრი, ცნობილი მწერალი ჯეიჰან ოზიილდიზი, ცნობილი პოეტი და პროზაიკოსი სერკან სოიალანი.
შეხვედრაზე განიხილეს აზერბაიჯანულ-ჩრდილოეთ კვიპროსის ლიტერატურული და კულტურული ურთიერთობების გაფართოების, ჩრდილოეთ კვიპროსში აზერბაიჯანული ლიტერატურისა და კულტურის პოპულარიზაციის, შესაბამისად ჩრდილოეთ კვიპროსული ლიტერატურის აზერბაიჯანში და საერთაშორისო დონეზე განსახორციელებელი პროექტები. გადაწყდა დაგეგმილი ღონისძიებების ორგანიზებისა და ურთიერთთანამშრომლობის დროული განხორციელების მიზნით გაფორმდეს მემორანდუმი სახელმწიფო მთარგმნელობით ცენტრსა და ჩრდილოეთ კვიპროსის თურქული რესპუბლიკის ბაქოს წარმომადგენლობას შორის.
შეხვედრის დასასრულს სტუმრებს გადაეცათ ცენტრის მიერ გამოცემული წიგნები - აიგუნ ათთარის „ყარაბახში გამარჯვება - 44 დღიანი ომის კულისებს მიღმა“, სერიული გამოცემა "მსოფლიო ლიტერატურის მარგალიტები" და მსოფლიო ლიტერატურის ჟურნალი "ხაზარი", ხოლო დელეგაციამ ცენტრს გადასცა წიგნები და სუვენირები, რომლებიც ასახავენ ჩრდილოეთ კვიპროსის ისტორიასა და კულტურას.
