Türkiyə Yazarlar Birliyinin genel başqanı Musa Kazım Arıcan: “Mədəni birliyimizi inkişafa aparacaq təməl məhz ədəbiyyat olacaq”

Türkiyə Yazarlar Birliyinin genel başqanı Musa Kazım Arıcan: “Mədəni birliyimizi inkişafa aparacaq təməl məhz ədəbiyyat olacaq”

   Türkiyə Yazarlar Birliyinin genel başqanı Musa Kazım Arıcan yaxın günlərdə qurumun rəsmi www.tyb.org.tr saytına verdiyi müsahibədə Azərbaycan Dövlət Tərcümə Mərkəzi ilə Türkiyə Yazarlar Birliyi arasında imzalanmış memorandum haqqında fikirlərini bölüşərək, əməkdaşlıq memorandumu çərçivəsində hər iki qardaş ölkənin ədəbiyyatının tanıdılması və təbliği sahəsində nəzərdə tutulan məsələlərdən söz açıb: “Əsərlərin elektron kütləvi informasiya vasitələrində, dövri mətbuatda yayımlanması, eləcə də ayrıca kitab şəklində nəşr edilməsi, hər iki ölkənin ədəbiyyatının tanıdılması və təbliği istiqamətində birgə təqdimatların, dəyirmi masaların və digər tədbirlərin həyata keçirilməsi nəzərdə tutulur. Layihələrin bu sahədə olan boşluğun aradan qaldırılmasında mühüm rol oynayacağına inanıram”.

   Başqan, həmçinin memorandumun digər türk dövlətləri ilə də bağlanılmasının zəruriliyini vurğulayaraq, Qarabağ zəfərindən sonra qurulacaq yeni yolların coğrafi yaxınlığa səbəb olacağını və böyük Türk Dünyasının mədəni birliyini yaradacaq təməlin məhz ədəbiyyat olacağını bildirib: “Azərbaycan Dövlət Tərcümə Mərkəzi ilə əməkdaşlıq dövlətlərimiz arasında ədəbi-mədəni, siyasi və digər sahələrdə münasibətlərə də yeni imkanlar açacaq”.

   Dil, musiqi, teatr və kinematoqrafiya kimi sahələrdə də ortaq əməkdaşlığın zəruriliyinə toxunan Musa Kazım Arıcan milli və mənəvi birlik ideyalarının həyata keçirilməsi yolunda ədəbiyyat və sənət adamlarının çiyninə böyük yük düşdüyünü qeyd edərək, Azərbaycan Dövlət Tərcümə Mərkəzi ilə əməkdaşlığın bu sferalarda da uğurlu olacağına inamını ifadə edib:  “Türk dünyasının ortaq tarix kitabları ilə bərabər, bədii kitabların nəşrinə çox böyük ehtiyac var. Bu işdə Türkiyə Yazarlar Birliyi olaraq əlimizdən gələni etməyə hazırıq”.

 

TYB ile Azerbaycan Devlet Tercüme Merkezi arasında İşbirliği anlaşması imzalandı

 

 

 

VƏ DİGƏR...

  • Azərbaycan poeziyası “Migel de Servantes” kitabxanasında Azərbaycan poeziyası “Migel de Servantes” kitabxanasında

    İspaniyanın geniş auditoriyalı “Migel de Servantes” virtual kitabxanası Dövlət Tərcümə Mərkəzinin “Azərbaycan ədəbiyyatı beynəlxalq aləmdə” layihəsi çərçivəsində Azərbaycanın klassik və müasir  poeziyasının... 

  • Səməd Vurğun yaradıcılığı İngiltərə və Finlandiya ədəbiyyat portallarında Səməd Vurğun yaradıcılığı İngiltərə və Finlandiya ədəbiyyat portallarında

    İngiltərənin populyar  “My poetic Side” və Finlandiyanın “Rakkausrunot” ədəbiyyat portalları Dövlət Tərcümə Mərkəzinin “Azərbaycan ədəbiyyatı beynəlxalq virtual aləmdə” layihəsi çərçivəsində Azərbaycanın Xalq şairi Səməd Vurğunun ingilis dilinə tərcümə olunmuş   “Dünya” və “Unut” şeirlərinin yayınına başlayıb.

  • Nəsimi yaradıcılığı İtaliya ədəbiyyat portalında Nəsimi yaradıcılığı İtaliya ədəbiyyat portalında

    İtaliyanın populyar “Alidicarta.it” ədəbiyyat portalı Dövlət Tərcümə Mərkəzinin “Azərbaycan ədəbiyyatı beynəlxalq virtual aləmdə” layihəsi çərçivəsində dahi Azərbaycan şairi İmadəddin Nəsiminin italyan dilinə tərcümə edilmiş “Sığmazam” qəzəlinin yayınına başlayıb.