Səfir Kristofer Berroteran: “Çox istərdik ki, zəngin Venesuela ədəbiyyatı Azərbaycan ədəbiyyatı ərazisinə daxil olsun”

Səfir Kristofer Berroteran: “Çox istərdik ki, zəngin Venesuela ədəbiyyatı Azərbaycan ədəbiyyatı ərazisinə daxil olsun”

Venesuela Bolivar Respublikasının  Azərbaycanda fövqəladə və səlahiyyətli səfiri cənab Kristofer Alberto Martinez Berroteran  Dövlət Tərcümə Mərkəzinə təşrif buyurub.

Görüş zamanı Venesuela ədəbiyyatının Azərbaycanda tanıdılması istiqamətində nəzərdə tutulan tərcümə və nəşr layihələri, ölkələrarası ədəbi əlaqələrin genişləndirilməsi, görüləcək işlər barədə fikir mübadiləsi aparılıb, Venesuelanın klassik, eləcə də müasir ədəbiyyatının Azərbaycan ədəbi zümrəsinə çatdırılmasının əhəmiyyəti vurğulanıb. Nəzərdə tutulan tərcümə layihələrinin, ilkin olaraq tanınmış Venesuela şairi Ana Maria Oviedo Palomaresin şeirlər toplusunun Azərbaycan dilinə tərcüməsi və nəşri ilə başlanılmasına dair istək və azularını çatdıran Səfir kitabın yaxın aylarda Azərbaycanda qeyd ediləcək Venesuela Respublika Gününə əlamətdar töhfə olacağını bildirib. O, eyni zamanda Azərbaycan - Venesuela ədəbi əlaqə və mübadilələrinin təşkili və inkşafı istiqamətində perspektiv layihələrin Venesuela Mədəniyyət Nazirliyi və Venesuela Tərcümə Mərkəzi ilə sıx əməkdaşlıq çərçivəsində həyata keçirilməsinin vacibliyini qeyd edib.      

Görüşün sonunda qonaq Mərkəzin İdarə Heyətinin sədri Afaq Məsuda  Venesuelanın görkəmli siyasi xadimi Uqo Çaves Friasın “Göy kitab” kitabını hədiyyə edib.

 

Qalereya

VƏ DİGƏR...

  • Xaqani yaradıcılığı İngiltərə ədəbiyyat portalında Xaqani yaradıcılığı İngiltərə ədəbiyyat portalında

    İngiltərənin populyar “Write Out Loud” ədəbiyyat portalı Dövlət Tərcümə Mərkəzinin “Azərbaycan ədəbiyyatı beynəlxalq virtual aləmdə” layihəsi... 

  • İsi Məlikzadə yaradıcılığı Almaniya elektron ədəbiyyat jurnalında İsi Məlikzadə yaradıcılığı Almaniya elektron ədəbiyyat jurnalında

    Almaniyanın populyar LESERING.de” elektron ədəbiyyat jurnalı Dövlət Tərcümə Mərkəzinin “Azərbaycan ədəbiyyatı beynəlxalq virtual aləmdə” layihəsi çərçivəsində tanınmış Azərbaycan yazıçısı İsi Məlikzadənin alman dilinə tərcümə edilmiş Duz hekayəsinin yayınına başlayıb.

  • Mövlud Mövludun hekayəsi Türkiyə portallarında Mövlud Mövludun hekayəsi Türkiyə portallarında

    Türkiyənin populyar “Detayhaberler.com”“Dibace.net”“Haber.232.com” portalları Dövlət Tərcümə Mərkəzinin “Ən yeni Azərbaycan ədəbiyyatı” layihəsi çərçivəsində həyatdan vaxtsız getmiş istedadlı yazıçı Mövlud Mövludun türk dilinə...