Azərbaycan nəsri “Migel de Servantes” kitabxanasında
![Azərbaycan nəsri “Migel de Servantes” kitabxanasında](https://aztc.gov.az/thumbs/index.php?size=410&src=posts/Manşet_66542f16ab5f9.jpg)
İspaniyanın geniş auditoriyalı “Migel de Servantes” virtual kitabxanası Dövlət Tərcümə Mərkəzinin “Azərbaycan ədəbiyyatı beynəlxalq aləmdə” layihəsi çərçivəsində Azərbaycanın klassik və müasir nəsrinin Süleyman Rəhimov, Əli Vəliyev, Mir Cəlal, Ənvər Məmmədxanlı, İsa Hüseynov, Anar, Elçin, Rafiq Tağı, Afaq Məsud, Etimad Başkeçid, Orxan Fikrətoğlu və İkinci Mahmud kimi tanınmış ədəbi simalarının ispan dilinə tərcümə olunmuş əsərlərini bir araya gətirən “Müasir Azərbaycan nəsri antologiyası” kitabını “Ədəbi nəşrlər” bölməsində yerləşdirib.
Bölmədə yer alan əsərlər ədiblərin yaradıcılığı haqqında geniş məlumatlarla təqdim edilir.
Kitabın ispan dilinə tərcümə müəllifləri – tanınmış ispan filoloqu Fransisko Kapilla Martin, ispan dili mütəxəssisləri Rəhimə Məmmədova və Ramizə Həsənovadır.
Qeyd edək ki, geniş oxucu auditoriyası tərəfindən izlənilən virtual kitabxana mütəmadi olaraq səhifələrində Migel de Servantes, Uilyam Şekspir, Aleksandr Puşkin, Fyodor Dostoyevski, Xuana İnes de la Krus, Fridrix Şiller, Qustavo Adolfo Bekker, Federiko Qarsia Lorka, Pablo Neruda, Qabriel Qarsia Markes, Antonio Maçado kimi dünyaşöhrətli yazıçı və şairlərin yaradıcılığına yer ayırır.
![]() |
VƏ DİGƏR...
-
Molla Pənah Vaqif yaradıcılığı ABŞ ədəbiyyat portalında
Amerika Birləşmiş Ştatlarının “Poetry.com” ədəbiyyat portalı Dövlət Tərcümə Mərkəzinin “Azərbaycan ədəbiyyatı beynəlxalq virtual aləmdə” layihəsi çərçivəsində görkəmli...
-
Cəlil Məmmədquluzadə yaradıcılığı Avstriya ədəbiyyat portalında
Avstriyanın populyar “Gedichtesammlung.net” ədəbiyyat portalı Dövlət Tərcümə Mərkəzinin “Azərbaycan ədəbiyyatı beynəlxalq virtual aləmdə” layihəsi çərçivəsində...
-
Sertifikatlar sahiblərinə təqdim olundu
Dövlət Tərcümə Mərkəzinin peşəkar tərcümə mütəxəssislərinin müəyyən edilməsi məqsədilə keçirdiyi növbəti Seçim Turları başa çatıb. Turlarda ictimai-siyasi, beynəlxalq...