Tanınmış Ukrayna şairinin şeirləri ilk dəfə Azərbaycan dilində

Tanınmış Ukrayna şairinin şeirləri ilk dəfə Azərbaycan dilində

Dövlət Tərcümə Mərkəzi tanınmış Ukrayna şairi, modernizm cərəyanının istedadlı nümayəndəsi Dmitri Çistyakın “Şüşə ulduz” kitabını nəşr edib.

“Sükutun tərs üzü, yoxsa…” adlı Ön sözlə təqdim olunan kitaba müəllifin “Gecə biçinçisi”, “Payız müjdəsi”, “Dağ havası”, “Vida”, “Dəniz”, “Venesiyalı gecə”, “Meydanda tumurcuqlar”, “Ufenau adası” və sair kimi şeirləri, esseləri daxil edilib.

Şeirlərin tərcümə müəllifləri – Salam Sarvan və Zahid Sarıtorpaq, redaktoru Mahir N.Qarayevdir.

Kitab Dövlət Tərcümə Mərkəzinin mətbəəsində çap edilib.

 

Dmitri Çistyak

(1985)

∙ Tanınmış Ukrayna şairi, tərcüməçi və ədəbiyyatşünası;

∙ 1985-ci ildə Ukraynada anadan olub;

∙ “Əzabkeş bağ” (2012) və “Daşlı dəniz” (2016) kimi şeir toplularının müəllifidir;

∙ əsərləri Albaniya, Bolqarıstan, Makedoniya, Moldova, Rumıniya, Serbiya, Fransa və Yaponiyada işıq üzü görüb; 

∙ Ukrayna Ali Təhsil Milli Elmlər Akademiyasının müxbir üzvü, M.Eminesku adına Beynəlxalq Ədəbiyyat Akademiyasının həqiqi üzvü;

∙ Ukrayna Yazıçılar İttifaqının, Avrasiya Yazarlar Birliyinin və Belçika “PEN-klubu”nun üzvüdür;

∙ Ukrayna Nazirlər Kabinetinin ədəbi mükafatı, Ukrayna Milli Elmlər Akademiyasının qızıl medalı, YUNESKO-nun və bir çox ölkələrin ödüllərinə layiq görülüb;

∙ şeirləri Azərbaycanda ilk dəfə nəşr olunur.

VƏ DİGƏR...