Xocalı faciəsinin şahidi olmuş Litva jurnalisti Tərcümə Mərkəzində
Məşhur Litva jurnalisti, “Ladziyay ulduzu” ictimai-siyasi qəzetinin baş redaktoru Riçardas Lapaytis Dövlət Tərcümə Mərkəzində olub.
Görüş zamanı Xocalı hadisələrinin, Qarabağ döyüşlərinin canlı şahidi olmuş jurnalistin bu mövzuda qələmə aldığı sənədli-publisistik əsəri, baş vermiş bu qanlı qətliamın dünya ictimaiyyətinə çatdırılması istiqamətində atılacaq addımlar müzakirə edilib.
Riçardas Lapaytis: “Mən bu gün də Azərbaycanda, xüsusən cəbhə bölgələrində tez-tez oluram, erməni qəsbkarlarının uzun illərdən bəri törətdiyi vəhşiliklər barədə həqiqətlərin bu gün də dünya ictimaiyyətinə çatdırılmasına çalışıram. Xocalı soyqırımı barədə yazdığım əsər əsasında çəkilmiş “Sonsuz dəhliz” filmi dünyanın bir çox ölkələrində yayımlanıb və beynəlxalq mükafatlara layiq görülüb. Bu faсiə, bu sonsuz ağrı artıq mənim canıma hopub, həyatımı bundan sonra da bu faciələrin əsl həqiqətinin üzə çıxarılmasına, ədalətin bərqərar olmasına həsr edəcəyəm və işi ömrümün sonuna qədər davam etdirəcəyəm”.
Tədbirin sonunda müəllifin, 90-cı illərdə Qarabağda canlı şahidi olduğu hadisələri təfərrüatlı şəkildə qələmə alması, kitabın dünya ictimaiyyətinə çatdırılması üçün müxtəlif dillərə tərcümə edilərək xarici ölkələrdə nəşri və yayımlanması qərara alınıb.
Qalereya
VƏ DİGƏR...
-
Molla Pənah Vaqif yaradıcılığı ABŞ ədəbiyyat portalında
Amerika Birləşmiş Ştatlarının “Poetry.com” ədəbiyyat portalı Dövlət Tərcümə Mərkəzinin “Azərbaycan ədəbiyyatı beynəlxalq virtual aləmdə” layihəsi çərçivəsində görkəmli...
-
Cəlil Məmmədquluzadə yaradıcılığı Avstriya ədəbiyyat portalında
Avstriyanın populyar “Gedichtesammlung.net” ədəbiyyat portalı Dövlət Tərcümə Mərkəzinin “Azərbaycan ədəbiyyatı beynəlxalq virtual aləmdə” layihəsi çərçivəsində...
-
Sertifikatlar sahiblərinə təqdim olundu
Dövlət Tərcümə Mərkəzinin peşəkar tərcümə mütəxəssislərinin müəyyən edilməsi məqsədilə keçirdiyi növbəti Seçim Turları başa çatıb. Turlarda ictimai-siyasi, beynəlxalq...