Frans Kafkanın ikicildlik “Seçilmiş əsərləri” nəşr olundu
![Frans Kafkanın ikicildlik “Seçilmiş əsərləri” nəşr olundu](https://aztc.gov.az/thumbs/index.php?size=410&src=posts/Manshet_607404be01dda.jpg)
150 cildlik “Dünya ədəbiyyatı inciləri” seriyasının ilk nəşri – dahi Avstriya yazıçısı, əsərləri ilə XX əsr dünya ədəbiyyatında yeni mərhələ yaratmış Frans Kafkanın ikicildlik “Seçilmiş əsərləri” kitabı işıq üzü görüb. “Hekayələr”, “Pritçalar”, “Gündəliklər”, “Xatirələr” “Romanlar” kimi fəsillərdən ibarət kitaba yazıçının orijinaldan tərcümə edilmiş “Hökm”, “Çevrilmə”, “Yuva”, “Bir savaşın təsviri”, “Ocaqçı”, “Bədbəxtlik”, “Cəza koloniyası”, “Balaca qadın”, “Kənd həkimi”, “Müğənni Jozefina” kimi məşhur hekayələri, “Körpü”, “Çalağan”, “Yuxu”, “İmtahan”, “Qaçış”, “Qonşu”, “Gecə”, “Poseydon” və digər pritçaları, “Məhkəmə”, “Qəsr” romanları, gündəlik və müsahibələri daxil edilib.
Əsərləri alman dilindən tanınmış tərcüməçilər – Vilayət Hacıyev, Çərkəz Qurbanlı, Yusif Savalan və digərləri tərcümə edib.
Kitabın tərtibçisi – Mahir N.Qarayevdir.
Frans Kafka
(1883–1924)
· yəhudi əsilli Avstriya yazıçısı;
· 1883-cü il iyulun 3-də Praqada tacir ailəsində anadan olub;
· 1906-cı ildə Praqa Universitetinin hüquq fakültəsini bitirib və hüquq elmləri sahəsində dissertasiya müdafiə edib;
· əksər əsərləri ölümündən sonra nəşr olunub;
· “Məhkəmə”, “Qəsr”, “Amerika” romanlarının, “Çevrilmə”, “Hökm”, “Cəza koloniyasında”, “Bədbəxtlik”, “Çalağan”, “Körpü” kimi məşhur hekayə və pritçaların müəllifidir;
· əsərləri XX əsr dünya ədəbiyyatına, fəlsəfəsinə, ədəbi tənqidinə böyük təsir göstərib;
· uzun sürən ağır xəstəlikdən sonra 1924-cü il iyunun 3-də vəfat edib;
· Praqada yəhudi qəbiristanlığında dəfn olunub.
“Libraf”
“Kitabevim.az”
“Akademiya” kitab evi
“Azərkitab”
Prezident Aparatının Kitab Evi
Azərbaycan Dillər Universitetinin satış köşkü
“Pero” kitab mağazası
“Oxumalı” kitab evi
“Lider” kitab evi
VƏ DİGƏR...
-
Molla Pənah Vaqif yaradıcılığı ABŞ ədəbiyyat portalında
Amerika Birləşmiş Ştatlarının “Poetry.com” ədəbiyyat portalı Dövlət Tərcümə Mərkəzinin “Azərbaycan ədəbiyyatı beynəlxalq virtual aləmdə” layihəsi çərçivəsində görkəmli...
-
Cəlil Məmmədquluzadə yaradıcılığı Avstriya ədəbiyyat portalında
Avstriyanın populyar “Gedichtesammlung.net” ədəbiyyat portalı Dövlət Tərcümə Mərkəzinin “Azərbaycan ədəbiyyatı beynəlxalq virtual aləmdə” layihəsi çərçivəsində...
-
Sertifikatlar sahiblərinə təqdim olundu
Dövlət Tərcümə Mərkəzinin peşəkar tərcümə mütəxəssislərinin müəyyən edilməsi məqsədilə keçirdiyi növbəti Seçim Turları başa çatıb. Turlarda ictimai-siyasi, beynəlxalq...