“Ağrı” kitabının təqdimat mərasimi keçirilib
Azərbaycan Dövlət Tərcümə Mərkəzi tərəfindən Heydər Əliyev Fondunun vitse-prezidenti Leyla Əliyevanın təşəbbüsü ilə keçirilən “Xocalıya ədalət” beynəlxalq kampaniyası çərçivəsində nəşr edilmiş “Ağrı” (müəlliflər Arye və Əmir Qut) kitabının təqdimat mərasimi keçirilib. 2019-cu il fevralın 26-da Bakı Konqres Mərkəzində baş tutan tədbirdə kitabın müəllifi Arye Qut, Azərbaycan Respublikası Gənclər Fondunun icraçı direktoru Fərid Cəfərov, şairə Nigar Həsənzadə, Xocalı soyqırımının şahidləri Əsəd Fərəcov və Valeh Hüseynov çıxış ediblər. Xocalı faciəsinin dəhşətlərindən söz açan çıxışçılar Qarabağda baş vermiş qətliamı bəşər tarixində insanlığa qarşı törədilmiş ən qatı cinayətlərdən biri kimi qiymətləndirmiş, bu sağalmaz yaranın Azərbaycan xalqının yaddaşından əbədi olaraq silinməyəcəyini bildirmişlər. Həmçinin sənədli arxiv materialları əsasında qələmə alınmış “Ağrı” romanının faciənin detal və təfərrüatlarını bədii təsvirlər və faktlarla açıqlamasında, erməni vandalizminin dünyaya tanıdılmasında əhəmiyyətli rol oynayacağını qeyd etmişlər.
Tədbirin sonunda Xocalı faciəsinə həsr olunmuş film nümayiş etdirilib.
Qeyd edək ki, Xocalı soyqırımından bəhs edən roman bundan əvvəl rus və ingilis dillərində işıq üzü görmüşdür.
Qalereya
VƏ DİGƏR...
-
İsi Məlikzadə yaradıcılığı Almaniya elektron ədəbiyyat jurnalında
Almaniyanın populyar “LESERING.de” elektron ədəbiyyat jurnalı Dövlət Tərcümə Mərkəzinin “Azərbaycan ədəbiyyatı beynəlxalq virtual aləmdə” layihəsi çərçivəsində tanınmış Azərbaycan yazıçısı İsi Məlikzadənin alman dilinə tərcümə edilmiş “Duz” hekayəsinin yayınına başlayıb.
-
Mövlud Mövludun hekayəsi Türkiyə portallarında
Türkiyənin populyar “Detayhaberler.com”, “Dibace.net”, “Haber.232.com” portalları Dövlət Tərcümə Mərkəzinin “Ən yeni Azərbaycan ədəbiyyatı” layihəsi çərçivəsində həyatdan vaxtsız getmiş istedadlı yazıçı Mövlud Mövludun türk dilinə...
-
“Azərbaycan dilinin orfoqrafiya lüğəti”ndən çıxarılan sözlərin Təsnifatı” kitabı nəşr olundu
Dövlət Tərcümə Mərkəzi “Azərbaycan dilinin orfoqrafiya lüğəti” (Nəsimi adına Dilçilik İnstitutu; 2013-cü və 2021-ci il nəşrləri) kitabından çıxarılan orfoqrafik, qrammatik qüsurların, milli mentallığımıza kölgə salan əcaib mənalı söz...