Afaq Məsudun "II İohann" hekayəsi populyar Belarus saytında
![Afaq Məsudun "II İohann" hekayəsi populyar Belarus saytında](https://aztc.gov.az/thumbs/index.php?size=410&src=posts/sozvuchie_565e94573ef98.jpg)
Tanınmış Azərbaycan yazıçısı, dramaturqu və tərcüməçisi, Əməkdar incəsənət xadimi Afaq Məsudun yaradıcılığına müraciət edən ölkələr sırasına Belarus da qoşulub. Belə ki, bir sıra ingilis, fransız, almandilli dövlətlər, Avstriya və Rusiya, Özbəkistandan sonra Belarus və Müstəqil Dövlətlər Birliyinin ölkələrinin rusdilli oxucuları yazıçının Azərbaycanda da böyük maraqla qarşılanmış "II İohann" hekayəsini oxumaq imkanı əldə ediblər.
Belarusun ilk naşiri, filosof, yazıçı Fransisk Skorina, qazax ədəbiyyatının klassikləri Abay Kunanbayev, Muxtar Auezov, Ədəbiyyat üzrə son Nobel mükafatı laureatı Svetlana Aleksieviç və digər ədəbi simaların yaradıcılığını işıqlandırmış populyar "Sozvuchie-zviazda.by" ədəbi-publisistik saytının növbəti müəllifinin Afaq Məsud olması məhz Azərbaycan ədəbiyyatının sərhədlərinin daha da genişlənməsi deməkdir.
Xatırladırıq ki, Afaq Məsud Rusiya Elm və İncəsənət Pyotr Akademiyasının (PANİ) həqiqi üzvüdür. Onun əsərləri rus, ingilis, fransız, alman, özbək dillərinə tərcümə və nəşr edilib. 2000-ci ildə Vyana Universitetində yazıçının yaradıcılığını tədqiq edən doktorluq işi (S.Dohan "Avropa şərqşünaslığında qadın yazarlar") müdafiə edilib.
VƏ DİGƏR...
-
Molla Pənah Vaqif yaradıcılığı ABŞ ədəbiyyat portalında
Amerika Birləşmiş Ştatlarının “Poetry.com” ədəbiyyat portalı Dövlət Tərcümə Mərkəzinin “Azərbaycan ədəbiyyatı beynəlxalq virtual aləmdə” layihəsi çərçivəsində görkəmli...
-
Cəlil Məmmədquluzadə yaradıcılığı Avstriya ədəbiyyat portalında
Avstriyanın populyar “Gedichtesammlung.net” ədəbiyyat portalı Dövlət Tərcümə Mərkəzinin “Azərbaycan ədəbiyyatı beynəlxalq virtual aləmdə” layihəsi çərçivəsində...
-
Sertifikatlar sahiblərinə təqdim olundu
Dövlət Tərcümə Mərkəzinin peşəkar tərcümə mütəxəssislərinin müəyyən edilməsi məqsədilə keçirdiyi növbəti Seçim Turları başa çatıb. Turlarda ictimai-siyasi, beynəlxalq...