Nizami Gəncəvi yaradıcılığı Rumıniya portalında
Rumıniyanın populyar “news24hours.ro” portalı Azərbaycanda elan olunmuş “Nizami Gəncəvi İli” ilə əlaqədar dahi şairin rumın dilinə tərcümə edilmiş hikmətli kəlamlarının, həyat və yaradıcılığı haqqında məlumatın yayınına başlayıb.
Kəlamların rumın dilinə tərcümə müəllifi – Rumın Dili və Mədəniyyəti Mərkəzinin rəhbəri, tanınmış rumın tərcüməçisi İosefina Blazsani-Battodur.
Qeyd edək ki, geniş oxucu auditoriyası olan “news24hours.ro” portalı mütəmadi olaraq səhifələrində aparıcı dünya ədəbiyyatı nümunələrini işıqlandırır.
 |
VƏ DİGƏR...
-
Sertifikatlar sahiblərinə təqdim olundu
Dövlət Tərcümə Mərkəzinin peşəkar tərcümə mütəxəssislərinin müəyyən edilməsi məqsədilə keçirdiyi növbəti Seçim Turları başa çatıb. Turlarda ictimai-siyasi, beynəlxalq münasibətlər, elmi-texniki, iqtisadiyyat, maliyyə və hüquq sahələri üzrə uğur əldə etmiş tərcümə mütəxəssisləri Mərkəzin sertifikatları ilə təltif edilib.
-
Məşhur Seretelinin kitabı ilk dəfə Azərbaycan dilində
ADTM Tərcümə Agentliyi Gürcüstan Yazıçılar Evinin qrant layihəsi çərçivəsində gürcü poeziyasının klassiki, şair Akaki Seretelinin seçmə poetik nümunələrinin toplandığı “Mənim nəğmələrim” adlı şeirlər kitabını nəşr edib.
-
Saday Budaqlının hekayəsi İsrailin ədəbiyyat jurnalında
İsrailin “Artikl” ədəbiyyat jurnalında Dövlət Tərcümə Mərkəzinin “Azərbaycan ədəbiyyatı beynəlxalq aləmdə” layihəsi çərçivəsində tanınmış Azərbaycan yazıçısı Saday Budaqlının rus dilinə tərcümə edilmiş “Yağmursuz havalar” hekayəsi dərc olunub.
