23 sentyabrda Azərbaycan Respublikasının Nazirlər Kabineti yanında Tərcümə Mərkəzinin konfrans zalında "Xəzər" jurnalının fəaliyyəti və növbəti sayının hazırlanması ilə bağlı müzakirələr aparılıb. Tədbiri giriş sözü ilə açan Mərkəzin "Elm, təhsil və mədəniyyət" şöbəsinin müdiri Yaşar Əliyev bildirib ki, rəngarəng tərcümə materialları ilə zəngin olacaq jurnal yeni format və nəfis tərtibatda işıq üzü görəcək.  Daha sonra çıxış edən Saday Budaqlı, Zakir Fəxri, İlqar Əlfioğlu, Etimad Başkeçid, Zahid Sarıtorpaq və digər tərcüməçilər jurnalın daha fərqli və oxunaqlı olması üçün öz təkliflərini irəli sürüb və nəşrin növbəti nömrələrinə daxil ediləcək tərcümə əsərlərini müzakirə ediblər.

Xatırladaq ki, 1989-cu ildən çap olunan "Xəzər" tərcümə jurnalı oktyabr ayında oxucuların ixtiyarına veriləcək.

Qalereya