Türkiyənin tanınmış lüğətçi-alimi Tərcümə Mərkəzində
Dekabrın 6-da Türkiyənin tanınmış lüğətçisi, dilçi-alim, professor Şükrü Haluk Akalın Tərcümə Mərkəzində olub. Görüş zamanı Azərbaycan və türk dillərinin filoloji, elmi və ədəbi müstəvidə təhqiqatına xidmət edəcək ortaq layihələrlə bağlı fikir mübadiləsi aparılıb. Bu istiqamətdə Türk Dil Qurumu və Azərbaycan Dövlət Tərcümə Mərkəzinin birgə əməkdaşlığı ilə ərsəyə gətiriləcək lüğət və sözlüklərin tərtibi və nəşri, həmçinin Azərbaycan dilinin və ədəbiyyatının qardaş ölkənin universitetlərində tədrisi, eləcə də Türkiyə – Azərbaycan ədəbiyyatları arasında əlaqələrin genişlənməsinə yol açacaq digər məsələlər müzakirə edilib.
Qalereya
VƏ DİGƏR...
-
“Heydər Əliyev və Gürcüstan” kitabı Tbilisidə təqdim olundu
“Heydər Əliyev İli”nə töhfə olaraq Tbilisidə nəşr olunmuş “Heydər Əliyev və Gürcüstan” kitabının təqdimat mərasimi keçirilib. Gürcüstan Parlamentinin böyük akt zalında baş tutan tədbiri giriş sözü ilə Gürcüstan Yazıçılar Birliyinin sədri, Rustaveli Dövlət Mükafatı laureatı Makvala Qonaşvili açaraq tarixin çətin dönəmlərində Heydər Əliyevin Gürcüstanın siyasi-iqtisadi, sosial həyatında oynadığı həlledici rolundan, həyata keçirdiyi enerji layihələri sayəsində bölgədə siyasi və iqtisadi gerçəkliyin kökündən dəyişilməsindən danışıb. Sonra söz Azərbaycan Dövlət Tərcümə Mərkəzinin İdarə Heyətinin sədri, Xalq yazıçısı Afaq Məsuda verilib:
-
“Heydər Əliyev və Gürcüstan” kitabı nəşr olundu
Müasir Azərbaycanın qurucusu, dünyaşöhrətli siyasi xadim Heydər Əliyevin 100 illiyinə töhfə olaraq Gürcüstan ziyalı təbəqəsi və Azərbaycan Dövlət Tərcümə Mərkəzinin birgə səyi ilə ərsəyə gətirilmiş “Heydər Əliyev və Gürcüstan” kitabı Tbilisidə nəşr olundu.
-
Rusiya ədəbiyyatının Azərbaycana yeni qayıdışı
Azərbaycan Dövlət Tərcümə Mərkəzi və Rusiya Tərcümə İnstitutunun birgə layihəsi çərçivəsində Azərbaycan dilinə tərcüməsi və nəşri ərsəyə gətirilmiş “Balaca qəhrəman” (F.Dostoyevski) və “Çevenqur” (A.Platonov) kitablarının təqdimat mərasimi keçirilib...
