"Aydın yol" qəzeti Azərbaycan Respublikasının Nazirlər Kabineti yanında Tərcümə Mərkəzinin həftəlik mətbu orqanıdır. Qəzet iyirmi dörd səhifə həcmində dərc olunur. Qəzetin səhifələrində bədii ədəbiyyat nümunələrinə, dünya ədəbiyyatından tərcümələrə, humanitar-ictimai problemlərdən bəhs edən publisistik məqalələrə, eləcə də, tərcümə işinə dair mütəxəssis araşdırmalarına yer verilir.

"Aydın yol" qəzeti oxucularına həm də ölkənin tanınmış ədəbi-ictimai simalarının yaradıcılıq nümunələrini və maraqlı müsahibələr təqdim edir. Qəzetin saytı da fəaliyyət göstərir.

Qəzetin baş redaktoru Yaşar Əliyevdir.