Azərbaycan Praqada keçirilmiş 21-ci Beynəlxalq Kitab Sərgisində təmsil olunub
Azərbaycan Respublikasının Çexiyadakı Səfirliyi və Nazirlər Kabineti yanında Tərcümə Mərkəzinin təşkilatçılığı ilə ölkəmiz Praqada keçirilmiş 21-ci Beynəlxalq Kitab Sərgisində təmsil olunub.
Sərgidə müxtəlif dövlətlərlə yanaşı, “Azərbaycan” stendi də quraşdırılıb və ölkəmizin tarixinə, mədəniyyətinə, ədəbiyyatına, turizm imkanlarına aid çoxlu sayda kitab və çap məhsulları nümayiş etdirilib.
Azərbaycan Respublikasının Çexiyadakı səfiri Fərid Şəfiyev və Tərcümə Mərkəzinin direktoru Afaq Məsudun rəhbərlik etdiyi nümayəndə heyəti sərginin açılışında iştirak edib, tədbirin təşkilatçıları və digər qonaqlarla görüşüblər. “Azərbaycan” stendinə maraq göstərən şəxslərə ölkəmizin tarixi və mədəniyyəti haqqında məlumat verilib, kitab və digər çap məhsulları hədiyyə edilib.
Pərvanə Qarayeva
AZƏRTAC-ın xüsusi müxbiri
Praqa
Qalereya
VƏ DİGƏR...
-
İsi Məlikzadə yaradıcılığı Almaniya elektron ədəbiyyat jurnalında
Almaniyanın populyar “LESERING.de” elektron ədəbiyyat jurnalı Dövlət Tərcümə Mərkəzinin “Azərbaycan ədəbiyyatı beynəlxalq virtual aləmdə” layihəsi çərçivəsində tanınmış Azərbaycan yazıçısı İsi Məlikzadənin alman dilinə tərcümə edilmiş “Duz” hekayəsinin yayınına başlayıb.
-
Mövlud Mövludun hekayəsi Türkiyə portallarında
Türkiyənin populyar “Detayhaberler.com”, “Dibace.net”, “Haber.232.com” portalları Dövlət Tərcümə Mərkəzinin “Ən yeni Azərbaycan ədəbiyyatı” layihəsi çərçivəsində həyatdan vaxtsız getmiş istedadlı yazıçı Mövlud Mövludun türk dilinə...
-
“Azərbaycan dilinin orfoqrafiya lüğəti”ndən çıxarılan sözlərin Təsnifatı” kitabı nəşr olundu
Dövlət Tərcümə Mərkəzi “Azərbaycan dilinin orfoqrafiya lüğəti” (Nəsimi adına Dilçilik İnstitutu; 2013-cü və 2021-ci il nəşrləri) kitabından çıxarılan orfoqrafik, qrammatik qüsurların, milli mentallığımıza kölgə salan əcaib mənalı söz...