Page 79 - "Xəzər"

i bədən görüşüncə
gecələr bir-birinə sarmaşmış
rişələr kimi olurlar.
Ancaq bəzən iki bədən
İki soyuq daşdı...
Və bütün gecə
– boz səhralıqdı...
Bəzən iki bədən
İki soyuq bıçaqdı.
Və bütün gecə
bu bıçaqların parıltısıdı.
Və bəzən iki bədən
öz-özündə (qaranlığın gözündə)
İki düşən ulduzdu
Bomboş göy üzündə.
Yaşıl mürəkkəblə yazıram
Yaşıl mürəkkəblə bağlar, çəmənlər,
meşələr, yarpaqlar yaradacam ki,
gül-çiçək qoxusun
arasında hərflər oxusun.
Söz – ağaclar,
ulduz cümlələr yaradacam.
Qoy mənim sözlərim
tökülsün ağ bədəninə,
Qar basmış çöllərə
yarpaq yağışı kimi,
Və vərəqlər
sözlərin yaşıllığına
Sarmaşığa bələnən
ev kimi bürünür
yamyaşıl görünür.
Qoy sözlər tökülsün əllərinə,
boynuna, sinənə, qarnına
küləksiz havanın dənizinə bənzər
alnına,
şabalıdı saçlarına 79
ot saplağın dişləyən dişlərinə. 2015
Ağac baharda tər yarpağa Oktavio Pas. Şeirlər
bürünəntək,
Mürəkkəbinin yaşılıyla bəzənmisən
Həmişəyaşıl ağactək
həmişə yaşıl qal!
Yaşıl ulduzlarla bəzənən göylərə
gözlərinin ulduzuyla nəzər sal.
İyun
... iyun süzürdü...
... xatirələr axır, ürək sıxırdı,
... dodaq büzürdü...
Büllur çay axdı üstümə qəfil,
Hər şey nurla dolu at yalmanıtək
Dalğa hərəkətsiz,
Ağır buludlar tənbəl...
Unudulmuşlar uzaqda üzür
– gözlərin içir onları,
ürkək qəlbin gözləyir,
dodaqlar pozulmuş cizgilərini öpür,
kölgəni duymağa çalışır əlim,
yanır, alışır əlim...
Ey əbədiyyət!
Onlar bir-birinə elə sıx hörülüb,
elə bil bolluqdan tam doyub, –
yoxluq cismanidi.
Bu dolu, nigaran qəlbim
əbədiyyətdə tənhalıq içində sıxılır
– dünən və sabah,
illər və dəqiqələr,
daha nələr, nələr...