Page 120 - "Xəzər"

əyirəm”. Məktubum nəzərə alındı və mənə Bədaye Teatrına ərizə verib işə qəbul
olunmağıma imkan yaradıldı.

Məhv olmuş pyeslərimin ağrı-acısından və uzun fasilədən sonra ölkəmizin
şöhrəti naminə Sizin yaratdığınız teatrın kandarına qədəm qoymağım əhvalımı
yaxşılaşdırdı.

Konstantin Sergeyeviç, açıq ürəklə yeni rejissoru qəbul edin. İnanın, o Sizin
Bədaye Teatrını sevir.

Moskvaya qayıdın və zalın döşəməsinə çəkilmiş mahudun üstüylə
addımlayın.

Sizə hörmətlə
Mixail Bulqakov.

İ.V.STALİNƏ
30 may 1931-ci il
Moskva

Möhtərəm İosif Vissarionoviç!
“Vaxt keçdikcə müasir yazıçı olmaq istəyi bir o qədər artır. Ancaq eyni
zamanda görürdüm ki, indini təsvir edərkən mükəmməl əsər üçün vacib olan
dincliyi, yaxşı ovqatı tutmaq mümkün deyil.
Bugünki həyat həddindən artıq canlıdı, həddindən artıq hərəkətdədi, adamı
həddindən artıq qıcıqlandırır; yazıçının qələmi hiss olunmadan satiraya kecir.
... mənə həmişə elə gəlirdi ki, həyatımda nəsə böyük bir fədakarlıq
eləməliyəm və məhz vətənimə xidmət üçün hardasa ondan uzaqlarda tərbiyə
almalıyam.
... yalnız onu bilirdim ki, yad ölkələrə ləzzət almaq üçün getmirəm, daha çox
tab gətirməyə gedirəm, sanki hiss eləyirdim ki, Rusiyanın qiymətini Rusiyadan
uzaqlarda biləcəyəm və ona olan sevgimi ondan uzaqlarda tapacağam”.

N.Qoqol29.
Sizdən çox-çox xahiş edirəm ki, 1931-ci il 1 iyuldan 1 oktyabra qədər xarici
məzuniyyətə göndərilməyim üçün Sovet Hokuməti qarşısında məsələ qaldırasınız.