Page 469 - antologiya - poeziya_175x250_Layout 1
P. 469
ßëisÿmid Kör
Mәn büllur külqabıyam
Hәrracda satılacam
bir azdan.
Taleyi çat atmış
büllur bir şairin
çat atmış büllur külqabısı
satılacaq hәrracda.
O nakam şairin
nәyi var – bölünüb,
nәyi var – satılıb
bir az aşağı,
469
bir az yuxarı.
Ömrün payızında
onu satdı arvad-uşağı.
Mәn büllur külqabıyam –
Mәni satan qazanacaq,
mәni alan sevinәcәk…
Mәn – şahidәm.
Әldәn salsalar mәni
çilik-çilik olacam.
Mәn – şәhidәm!
Kül acıyam.
Yanmış әlyazmaların
kül qoxusu var canımda.
Mәn büllur külqabıyam.
Mәni ortaya qoyub
satacaqlar hәrracda.
Bir mәn satılacam,
bir dә satılacaq
qәm çәkmiş şairin
toz basmış,
nәm çәkmış әlyazmaları.
