Page 472 - antologiya - poeziya_175x250_Layout 1

Azÿrbaycan ÿdÿbiyyatû antologiyasû

İki sәsin dueti
iki sözün dueli deyil,
güzgüdәn qaçan,
buluddan çıxan “Ay süvarisi!”

Eşitdinmi?
Bir az aralıda
zәng çalır Bakıda NOTR-DAM kilsәsi.
Bir az aralıda
Parisdә Monpamasye mәhәllәsi…
Cümә mәscidinin azan sәsi..
Bir az aralıda hәsrәt vә qüdrәt.

472
Parisә gedәn qatarlara
bilet satılmır Lәki vağzalında.
Qәbiristanlığında yer tapılır qәrib şairinә.
Bir bax,
Bir az aralıda
sevdiyin әncir ağacı әl uzadıb başdaşına.
Bir az aralıda
ana qәbri – vәfalı,
qardaş qәbri aralı,
İnanmırdın, inanmazdın
Bakı – Parisdәn,
Lәki – Bakıdan vәfalı…

Adamlar dәyişir havalar kimi

Çәkilib uzaqdan baxdım özümә –
Gördüm görkәmim dәyişib,
üst-başım tamam köhnәlib,
dabanı yeyilib çәkmәlәrimin…

Tanrının gözünә dik baxdığımdan
Xәbәrim olmayıb üzümә düşәn qırışdan,
Yaman inanmışam arvad sözünә –
Dağa bәnzәyirsәn sәn bu duruşda.