Page 466 - antologiya - poeziya_175x250_Layout 1
P. 466
Azÿrbaycan ÿdÿbiyyatû antologiyasû
“Xatirәdir”
Yenә yanır bu ocaq,
Yanıb, külü qalacaq.
Bilmirәm nә olacaq,
Olanı xatirәdir...
Qar yağır narın-narın,
Üzü gülür dağların.
Bu yaşıl yarpaqların
Solanı xatirәdir...
Ay çәmәnin çiçәyi,
Niyә soldu lәçәyin?
466 Bu dünyanın gerçәyi,
Yalanı xatirәdir...
Niyә çıxdıq yola biz,
Coşub-daşır bu dәniz.
Bir adadır sevgimiz,
Hәr yanı xatirәdir...
Xәyaldı, yoxsa yalan,
Gәlib keçdi nә zaman?
Sevginin ömrü bir an,
Qalanı xatirәdir...
Mәndәn bir dә olmayacaq
Gecә-gündüz çıraqla sәn,
Hәlә mәni gәzәcәksәn.
Axtarmaqdan bezәcәksәn,
Mәndәn bir dә olmayacaq.
Başqa yaz, bahar gәlәcәk,
Yağış yağıb, qar gәlәcәk.
Dünya sәnә dar gәlәcәk,
Mәndәn bir dә olmayacaq.
