Page 98 - "Xəzər"

təkrar etmişəm ki, yeməli olmayan və əvəzində tam laqeydlik görürük. Bu dəhşətdir!
2016 sağlamlığa faydasız şeyləri gəmirməkdən vaz
keçsinlər, qab-qacaq yanında sülənmək
Siçanlar və pişiklər vərdişini tərgitsinlər. Bütün bunları ağlı
kəsməyən körpələrə də, yeniyetmələrə də
demişəm, amma onlar ürəkləri istəyəni eləyirlər,
yastıqlarda və döşəklərdə, çardaqlarda və
köhnə damlarda özləri üçün yataq düzəldirlər.
Ax, bu yaramaz məxluqlar!"
Bu vaxt müqəddəs zahid gözünü açdı və
artıq havanın işıqlaşdığını gördü.
Sonrakı gecə pələng kimi zolaqlı bir pişik
onun yuxusuna girib bunları söylədi:
"Eşitmişəm ki, sizin xoşniyyətli olmağınız
insanların düzgün hərəkət edib sevmədikləri
hansısa bir gəmiricinin kinli qəlbinə belə yol
tapıb. Buna görə də sizin yanınıza gəlməyə
və hər şeyin əslində necə olduğunu sizə
anlatmağa cürət etmişəm. Bu dılğır siçan
gözünüzün içinə baxa-baxa sizə yalan söyləyib!
Heç ona iltifat etməyə imkan tapmamış
görəcəksiniz nəyinizisə əkişdirib. İcazənizlə
sizə bizim adlı-sanlı pişik şəcərəmizdən
danışım! Məni dinləyin! Bu cür danışdığıma
görə mənim o siçanla yarışa girmək istədiyim
düşünülə bilər. Amma məni düzgün anlayın!
Bütün detalları bilmədən siz biz pişiklər
haqqında pis fikrə düşə bilərsiniz".
Bu vaxt pişik belini qabartdı və onun gözləri sardina, siyənək və ya alabalıq yemək də
parıldadı.
"Biz Hindistanda və Çində hamının canına
vəlvələ salan pələnglərin nəslindənik. Amma
Yaponiya balaca ölkədir və biz dənizi keçib
bura gəldiyimiz vaxt öz ölçülərimizi onun
ölçülərinə uyğunlaşdırmağa məcbur olmuşuq.
Bax, elə buna görə də Yaponiyada pələng
yoxdur. İmperator Dayqonun hakimiyyəti
vaxtında zati-aliləri bizə böyük qayğı ilə
yanaşırdı. Bizim bacılarımızdan birini ondan
ayrılmayan şahzadə Kasivaqi özü şəxsən
tumarlamışdı. Sonralar, imperator
Hosirakavanın dövründə sahiblərimizə daha
yaxın olmağımız üçün boynumuza ip keçirdilər.
O vaxtdan biz yazıq pişiklər siçanları ancaq
onlar düz qabağımızdan qaçıb keçdikləri nadir
hallarda tuta bilirik! Su içmək istəyəndə isə
miyovuldamağa və fəğan etməyə məcburuq –
İnsanlar elə düşünürlər ki, biz heç bir dil
bilmirik. Amma əslində, bu ölkədə heç kimin
bilmədiyi müqəddəs sanskrit ləhcəsində
danışırıq. Ona görə də bizim taleyimiz – ip və
təpikdir. Ancaq tanrılar öz mərhəmətlərini, hətta
pişiklərdən də əsirgəmədilər – necə ki, ay
işığı ən xırda komaya belə girməyi unutmur.
Biz nəsibimizin son vaxtlar yüngülləşdiril-
məsindən o qədər məmnunuq ki! Hər səhər o
böyük simanı salamlayırıq və indiki hakimiyyətin
ömrünün əbədi olması üçün dua mırıldayırıq!"
Zahid cavab verdi: "Sənin dediklərin,
doğrudan da, diqqətəlayiqdir. Yadıma Çindən
olan müqəddəs Nandzena ilə bağlı hekayə
düşür. O, ikinci yarısını da, sadəcə pişik
adlandırmaq mümkün olduğunu sübut etmək
üçün bir pişiyi iki yerə bölmüşdü. Bununla
bərabər buradan belə bir təbii sual doğur –
mən, rahib olan bir adam sizin taleyinizə necə
laqeyd qala bilərəm? Karma haqqında təlimə
görə qatil əvvəlcə ölümə, sonra isə yenidən
doğulmağa məhkumdur. Sonra o yenidən
ölməli və yenidən doğulmalıdır – və beləcə
sonsuza qədər davam etməlidir. Təkcə bu
dünyanın faniliyini dərk etməklə bu uzun doğum
və ölüm zəncirindən qurtulmaq, azadlığa
çıxmaq olar! Öldürməyə, siçanları yeməyə
son qoyun! Niyə axı siz pişiklər daha səmərəli
pəhrizə keçməyəsiniz? Düyü yeməkləri yeyə
bilməzsiniz? Təbii ki, hərdənbir qurudulmuş
olar..."
"Sizinlə razılaşmağa hazıram, amma onu
da nəzərə almalısınız ki, insanlar daxili
orqanlarının fəaliyyətinin daha da
yaxşılaşdırılması, xarici orqanlarının maneəsiz
dartıla bilmək imkanı əldə etməsi, dillərinin
dönməsi üçün düyü ilə qidalanırlar. Düyünün
dadı dənizdən və dağlardan əldə edilən
təamların əlavə olunması ilə daha da
zənginləşdirilir. Eyni ilə bu cür, tanrılar tərəfindən
bizə göndərilən siçan ətindən olan yemək-
lərimiz də bizə sağlam qalmaq və atılıb-
düşmək, lap elə quşlar kimi qanad açıb uçmaq
imkanı verir. Ən əsas şeyi də unutmayın –
gecə siçan ətindən ləzzətli yemək yeyəcəyimiz