Page 383 - antologiya - poeziya_175x250_Layout 1

Nösrÿt Kÿsÿmÿnli

Daha nağıllara inanmıram mәn

Çapıb öz atını Ağatlı getdi,
Atları şimşәkdәn qanadlı getdi,
Uşaq yaddaşımı qanatdı getdi,
Daha nağıllara inanmıram mәn.

Nәnәmin inamı, dәrdli nağıllar,
Namәrdә aldatdı mәrdi nağıllar,
Bizi yuxulara verdi nağıllar,
Daha nağıllara inanmıram mәn.

Uşaq ovutmağa bir noğul idi, 383
Sözlәrdә yaşayan bir ağıl idi,
Yaxşı adamlar da bir nağıl idi,
Daha nağıllara inanmıram mәn...

“Sim-sim”i sözlә yox, zorla açdılar,
Tilsimi min cürә yolla açdılar,
Him-cimi möhürlü qolla açdılar,
Daha nağıllara inanmıram mәn.

Fatmalar ayağı kәndirdә qalmır,
Xәmrimiz küt gedir, tәndirdә qalmır,
Qarğalar tülküyә daha aldanmır,
Daha nağıllara inanmıram mәn.

Acı hәqiqәtlәr bal dadır indi,
Arısı olmayan bal satır indi,
Keçәli saçlılar aldadır indi,
Daha nağıllara inanmıram mәn.

Elә yuxularda atlar kişnәdi,
Divlәri qazana saldım, bişmәdi,
Gözlәdim göylәrdәn alma düşmәdi,
Daha nağıllara inanmıram mәn!..