Page 381 - antologiya - poeziya_175x250_Layout 1

Nösrÿt Kÿsÿmÿnli

Getmәk istәyirsәn, bәhanәsiz get

Gәtmәk istәyirsәn, bәhanәsiz get,
Oyatma mürgülü xatirәlәri.
Sәsin hәmin sәsdir, baxışın ögey,
Gedirsәn, sәsin dә yad olsun barı...

Sәn dәniz qoynuna tullanmış çiçәk,
Üstünә dalğalar atılacaqdır.
Saxta mәhәbbәtin saxta sәnәdtәk
Nә vaxtsa üstündә tutulacaqdır.

Döşәnib yollartәk ayaqlarına
Sәnә yalvarımmı?... bu mümkün deyil! 381
Qoymaram qәlbimtәk vüqarım sına,
Alçalıb yaşamaq ömür-gün deyil.

Demirәm sәn uca bir dağsan, әyil,
Demirәm qalıbdır әlacım sәnә.
Nә sәndә mәhәbbәt qara pul deyil,
Nә mәn dilәnçiyәm әl açım sәnә...

Getmәk istәyirsәn... O yol, o da sәn...
Bir cüt göz baxacaq arxanca sәnin.
Getdinmi... Nә vaxtsa dönmәk istәsәn,
Tikanlı yastığa dönәcәk yerin.

Getmәk istәyirsәn... Nә danış, nә din!
Yox ol uzaqlartәk dumanda, çәndә...
Nәyimi sevmişdin? Deyә bilmәdin,
İndisә yüz eyib görürsәn mәndә.

Getmәk istәyirsәn, bәhanәsiz get,
Oyatma mürgülü xatirәlәri.
Sәsin hәmin sәsdir, baxışın ögey,
Gedirsәn, sәsin dә yad olsun barı...