Page 77 - "Xəzər"

***
Köhnә mәktubların, boyat sözlәrin
Doymuram o yorğun hәnirtisindәn…
Solan çiçәk әtri, gül әtri gәlir
Onların o hәzin iniltisindәn.
Bәzәkli hәrflәr, naxışlı xәtlәr
Qurumuş otların xışıltısıdır.
Tәlәsik yazılmış tanış sәtirlәr
Kәdәrli bir şerin pıçıltısıdır.
Yenә dә qayıdar, duyular yenә
Solğun çiçәklәrin xәfif varlığı;
Necә dә doğmadır, yaxındır mәnә
Onların bu yorğun füsunkarlığı…
1904
Bu gecә o zәrif әllәrindә mәn 77
Bir titrәk çırağa, oda dönәcәm... 2015
Büdrәmә, yıxılma daş pillәlәrdә:
Yerә salsan – sınacam,
Nәfәs alsan – sönәcәm.
Mәni öz qәsrinin toranlığından
Ovcunda ehmalca keçirib apar, –
O yolun әn qatı qaranlığında
Bizim ürәyimiz şiddәtlә çarpar…
Sәnin ovucların mağara kimi –
İşartısı gәlәn mәn dә bir çıraq;
Yanacam ovcunda ikona kimi…
Bәlkә mәni elә sәnsәn yandıran?
1914
Maksimilian Voloşin. Şeirlәr