Page 76 - "Xəzər"

poeziyasından seçmәlәr. Maksimilian Voloşin76 MAKSİMİLİAN VOLOŞİN

2015

Maksimilian Voloşin (1877-1932) Kiyevdә,
Zaporojye kazaklarından olan kübar ailәsindә
dünyaya göz açıb. Uşaqlığı Feodosiyada,
yeniyetmәlik illәri Moskvada keçib. Tәlәbә
hәrәkatına qoşulması sәbәbindәn onu tәhsil aldığı
Moskva Universitetinin hüquq fakültәsindәn
xaric edәrәk Daşkәndә göndәriblәr. 1901-ci ildә
gәnc Voloşin Berlin universitetinә daxil olub,
lakin burda da çox qәrar tuta bilmәyib vә tezliklә
Parisә yollanıb. 1916-cı ilә qәdәr bütün Avropa
ölkәlәrinә piyada sәyahәtә çıxan şair vaxtaşırı
gah Parisdә, gah da Krımda – ürәkdәn sevdiyi
Koktebeldә yaşayıb. Oktyabr inqilabını Voloşin
çox da «hәvәslә» qarşılamayıb, әksinә, ona inamsız
yanaşıb vә bu mәsәlәdә fәrdi mövqe tutub:
“vәtәndaş yox, insan olmaq lazımdır!” Hәmin
vaxtdan, yәni 1917-ci ildәn sonra bütün
sәyahәtlәrinә, gәzintilәrinә son qoyub vә sevdiyi
Krımı bir daha tәrk etmәyib. «Mәnimçün ruhumun
hәqiqi vәtәni – başdan-başa ellinizmlә, Genuya
vә Venetsiya qüllәlәrinin xarabalığı ilә dolu olan
Koktebel vә Kimmeriya torpağıdır».