Page 512 - antologiya - poeziya_175x250_Layout 1
P. 512
Azÿrbaycan ÿdÿbiyyatû antologiyasû
Soyudum üst qatından,
Ağacından, otundan,
Ayağımın altından
Qaçdı torpağın altı.
Axır, çağlaya bilmir,
Qovur haxlaya bilmir,
Mәni saxlaya bilmir,
Boşdu torpağın altı.
Üzә durub üstüylә,
Oynar odla, tüstüylә,
Oyunuyla, qәsdiylә
512 Xoşdu torpağın altı.
Bir bülbül, bir qaratoyuq...
Havalı könlümü dәli çağında
Bir bülbül dağladı,
bir qaratoyuq.
Eyvana uzanan tut budağında
Bir bülbül çağladı,
bir qaratoyuq.
Çevirdim şeirimin yaşıl tağını,
Yordum yoxuş-yoxuş sözün ağını,
Gözümdә tellәnәn qәm saçağını
Bir bülbül qoxladı,
bir qaratoyuq.
Özü olmayanlar üzә duranda,
Ürәk bulandırıb könül qıranda,
Qarğalar başımda qoz sındıranda
Bir bülbül ağladı,
bir qaratoyuq.
