Page 420 - antologiya - poeziya_175x250_Layout 1
P. 420
Azÿrbaycan ÿdÿbiyyatû antologiyasû
Lalә qiyamı
Bu yaş mәnim yaşım deyil,
İlk mәhәbbәt yaşındayam.
O ağaran başım deyil,
Qarlı dağlar başındayam.
Bolluca bar-bәhәr gәlib
Gözlәrimin oxşamına.
Yaz әtirli sәhәr gәlib
Ömrün payız axşamına.
420 İnnәn belә var duyanı,
Arzusuna çatıb könül.
Dәrd-qәmini bu dünyanın
O tayına atıb könül.
Mәni çәkir bu dәrinlik,
Göz durudur, sәs incәdir.
Ay ürәyim, bu şirinlik,
Bu lәtafәt bәsincәdir.
Şehlәndikcә o gül dodaq
Sanki süzür bal şәhdini.
Yaxa cıran bülbülә bax,
Qanla yazır öz cәhdini.
Günәş yenә qan elәyir.
Göydәn atәş әlәnibdir.
Lalәlәr üsyan elәyir,
Çöllәr qana bәlәnibdir.
Bu yazın işvәsi, nazı
Mәni yenә öldürәcәk.
Dünyanın bir gözәl qızı
Gülә tutub güldürәcәk.
