Page 424 - antologiya - poeziya_175x250_Layout 1

Azÿrbaycan ÿdÿbiyyatû antologiyasû

Mәnim әzizim

Mәnim gördüyüm şey, mәnim әzizim!
Bir gün xeyir olur, bir gün şәr olur.
Toplayıb çıxıram, vurub bölürәm ...
Gecәm gündüzümә bәrabәr olur.

Gülüşüm süzülür gün işığından,
Sevincim göz yaşım qәdәrindәdir.
Rәng aldım rәnglәrin qarışığından,
Olanım, olmazım çox dәrindәdir.

Çoxun çox, azın az tarazlığında
424 Gün dönür, Ay dönür, ulduzlar dönür.
Çәkir bir-birini qaranlıq, işıq,
Sönәnlәr yandıqca yananlar sönür.

Bәrabәr yaranıb hәr şeyә hәr şey,
Tәndir ağlımıza hissimiz bizim.
Bu dünya nә qәdәr bizimkidirsә,
O qәdәr bizimki deyil, әzizim.

Bir bütöv yaranır iki yarıdan,
Bir yarı mәnәmsә, bir yarı sәnsәn.
Bugünkü mәlumsan, sabahkı mәchul ...
Hәr necә olsan da, özünә tәnsәn.

İnsan balası

Atın balasından daha gözәlsәn,
Amma ki, at kimi kişnәmәyin var,
İnsan balası.

İtin balasından daha gözәlsәn,
Di gәl ki, it kimi dişlәmәyin var,
İnsan balası.