Page 649 - antologiya - poeziya_175x250_Layout 1

Mÿmmÿd Sÿid Ordubadi

Qızıl әsgәr leytenantın nә dediyini dәrhal anladı vә körpәni serjant
İvanovun tankına apardı.
Serjant İvanov üçün bu, birinci tәsadüf deyildi; buna görә dә o, körpәni
qızındırmaq üçün dәrhal motoru işә saldı, uşağın qanlı vә islanmış
paltarlarını çıxarıb atdı. Onu öz yun köynәyinә bürüdü vә başı üstündәn süd
şüşәsini götürüb uşağın dodaqlarına dayadı.
On dәqiqәdәn sonra körpә şirin bir yuxuya getdi. Hücum başlandıqdan
sonra göydә, yerdә, hәtta qulağının dibindә partlayan toplar belә körpәni
şirin yuxudan ayıra bilmәdi.
Göyü birdәn-birә dәhşәtli gurultu bürüdü. Sovet bombadaşıyan
tәyyarәlәri ildırım kimi şığıyan qırıcı tәyyarәlәrin müşayiәtilә әsgәrlәrin
başı üstündәn ötüb-keçdi.
Hissәnin arxasında yerlәşәn toplar ağızlarını düşmәn sәngәrlәrinә çe-
virib atәş açarkәn, İvanovun tankçıları da şam ağaclarını böyrü üstә yıxaraq,
hücuma keçmişdi. 73
Leytenantın tankçıları hücum әmrini aldığı zaman sanki meşәdәn ikinci
bir meşә ayağa qalxdı. Bir an K. kәndinin üzәrini sıx dumanlar bürüdü.
Ağır tanklar iti sürәtlә irәli cumur, bombadaşıyan tәyyarәlәr isә iri ağır
bombaları düşmәn sәngәrlәrinә tökürdülәr.
Çox çәkmәdi ki, tәyyarәlәrimiz düşmәn tәyyarәlәrilә üz-üzә gәldi.
Havada vurulan düşmәn maşınları meşәnin içinә düşür, pulemyotlardan
güllә yağmuru yağır, topların mәrmilәri isә düşmәn toplarını havaya sovu-
rurdu.
Piyadalar düşmәn sәngәrlәrinә yaxınlaşdılar. Arabir gәnc leytenantın
“İrәli! İrәli!” – sәslәri eşidilirdi. Lakin bu sәs birdәn-birә dәyişdi, leytenan -
tın:
– Süngü döyüşünә hazır ol! – komandası eşidilәrkәn, düşmәn
sәngәrlәrinin qarşısında üçüncü meşә yarandı.
Artıq nә top, nә pulemyot, nә dә tәyyarә motorlarının sәsi eşidilirdi.
Süngü müharibәsi başlanmışdı.
Qanlı çarpışma dörd saat davam etdi. Düşmәn, kәndi әlindә saxlamaq
üçün bütün qüvvәsini sәrf etdi; lakin böyük tәlәfat verәndәn sonra geri
çәkilmәyә mәcbur oldu.
Sakitlik başlanmışdı. Şimal külәklәri göyü doldurmuş barıt duman -
larını uzaqlara qovurdu. Düşmәn kәnd küçәlәrindә çoxlu tank, parçalanmış
pulemyot vә top buraxıb getmişdi. Hәr tәrәf bir sükuta qәrq olmuşdu. Yalnız
uzaqlardan seyrәk-seyrәk pulemyot sәslәri eşidilirdi. Bu vaxt İvanovun
tankındakı körpә şirin yuxudan ayıldı vә kiçik gözlәri ilә tankın içәri -
sindәkilәri seyr etmәyә başladı.
İvanov körpәnin oyandığını gördükdә: