Page 519 - antologiya - poeziya_175x250_Layout 1
P. 519
Mahir N.Qarayev
Bir kafir
cәhәnnәm çöhrәli allahbazların
cәnnәtә açılan sabahı olar;
hәlә soyulmamış allahsızların
dәrisi soyulmuş Allahı olar!
Payızda ölәcәm mәn
Payızda ölәcәm mәn – leysan yağışlar altda...
Leysan yağışlar altda basdıracaqlar mәni.
Payızda ölәcәm mәn – göz açdığım o kәnddә...
Dil açdığım o kәnddә susduracaqlar mәni. 519
Çәkilәcәm su kimi bircә qarış torpağa,
Dikәlәcәk başdaşım düz başımın tuşundan.
Xәbәrim olmayacaq o doğma kәndin daha
Yerdә hürәn itindәn, göydә uçan quşundan.
Nә yaxşı, nә pisindәn; nә qara, nә ağından –
Xәbәrim olmayacaq dünyanın heç nәyindәn;
O yağışın sübhәcәn aramsız yağmağından,
O yağışın sübhçağı qәfildәn kәsmәyindәn...
Vәssalam.
Kar olub da daha heç nә eşitmәm.
Kor olub da heç nәyi görmәm daha.
Vәssalam.
Vәssalam.
Lal olub da mәn daha kәlmә kәsmәm.
Susdum, İlahi, susdum. Әbsәm, әbsәm.
Vәssalam.
