Page 521 - antologiya - poeziya_175x250_Layout 1
P. 521
Akif Sÿmÿd
Ölüm, qurtar gordan mәni
Güldәn soruşan tapılmır,
Soruşurlar xardan mәni.
Әkilmәmiş ağacda nar,
Asın hәmin nardan mәni.
Yazını fәlәklәr yazır,
Mәzarı mәlәklәr qazır,
Kәtilim, kәndirim hazır,
Elәmәyin dardan mәni. 521
Çәnim gәldi burum-burum,
Yolum daşdan hörüm-hörüm,
Mәn çәkәni çәksin görüm,
Kim elәdi yardan mәni.
Hamımı azıb “babı”dı,
Çәkdiyim nә hesabıdı?
Yaşamaq gor әzabıdı,
Ölüm, qurtar gordan mәni.
***
Daş ağladı “Yurd yeri”ndә
Sazı mәndә öldürdülәr.
Ürәyimdә dәfn elәdim,
Sözü mәndә öldürdülәr.
Telinә gül bağlamadım,
Sevgiyә yas saxlamadım,
Öldü getdi, ağlamadım,
Gözü mәndә öldürdülәr.
