Page 435 - antologiya - poeziya_175x250_Layout 1

Bþyökxan Pÿrviz

Әllәrimә yazılmış şeir

Ay әllәrim, sizin ilә
Bir qıza çiçәk almadım.
Kimsәyә әl uzatmadım,
Kimsәdәn çörәk almadım.

Yorulmadıq, nә mәn, nә siz,
Ömür sürdük sutәk tәmiz.
Qabar oldu bәzәyiniz,
Bir özgә bәzәk almadım.

İşlәdiniz, otaq aldım, 435
Geyim aldım, yataq aldım.
Şaxta düşdü, papaq aldım,
Sizә bir әlcәk almadım.

Sıxıntı

Bu dünyanın dәrdlәrini,
çәkirәm qәmim kimi,
Harda belә gәmi batıb,
mәnim bu gәmim kimi?..

Vallah, beşikdәn düşәnnәn,
ağır şәrt tapır mәni.
Köhnә dost itirir mәni,
Tәzә dәrd tapır mәni.

Nә bәxtimdә kişilik var,
Nә hәyatımda qadın,
Belә…
nә yada salmağa bir Gün,
Nә unutmağa adım…