Page 430 - antologiya - poeziya_175x250_Layout 1

Azÿrbaycan ÿdÿbiyyatû antologiyasû

Kәdәr qәrar tutsa sevinc atında,
O atı yerindәn qoparan olmaz,
O atı mәnzilә aparan olmaz.
O atın, mәnzilin hәndәvәrindәn
Bir az asta keçin, bir az yan keçin.
Yaddan çıxarın ki, ağlamaz kişi:
O yiyәsiz ata, başsız mәnzilә,
Ağla gilә-gilә, yan için-için...

...Amma, ağlamaq da şücaәt deyil
Tarlada, dәnizdә, toyda, biçindә,
Şimalda, cәnubda, Yer kürәsindә.
430 Bu qәdәr sevincin, dәrdin içindә.
Gah yalqız otaqda, gah da yol üstә,
Ağlamaq istәyәn, yanmaq istәyәn,
Ağlaya bilmәyәn kişilәr dә var...

Tәbrizdәn mәktub

İllәr keçib gedir nәsillәr kimi,
Köhnә yaralarım sağalan deyil.
Vәtәn torpağına sәpilәn dәrdim
Qoşunla, orduyla yığılan deyil.

Dilimin üstündә qalıb sözlәrim,
Payız yarpağıtәk saralan mәnәm.
Hәlә vurulmayıb yerә dizlәrim.
Hәlә döyüşәn mәn, qırılan mәnәm.

Mәnim haqq sәsimi, haqq istәyimi
Qadağan әsәrtәk yığışdırdılar.
Patrona sığmayan güllә kimiydim,
Bölüb iki yerә sığışdırdılar.

Qırıldı qәlbimin bir sarı simi,
Analar nә qәdәr saçını yolsun?!