Page 408 - antologiya - poeziya_175x250_Layout 1
P. 408
Azÿrbaycan ÿdÿbiyyatû antologiyasû
Axşam tramvayında
Qucağında uşaq bir qәmli ata
yuxlaya-yuxlaya bir qәm ayında
gedirdi bir axşam tramvayında.
Söykәyib üzünü soyuq şüşәyә
Üşüyә-üşüyә
Atanın üzünә baxırdı uşaq.
O yuxulu üzü görәndәn sonra
O sevgili uşaq, o çiçәk uşaq
408 heç zaman, heç yerdә ağlamayacaq.
Dar gündә, xoş gündә yarıyan mәlәk,
Ata yuxusunu qoruyan mәlәk
Uşağın üzündә görükdü yenә.
Çox-çox uzaqdakı evin-eşiyin,
hәyәtin, bacanın, itin-pişiyin
sәdaqәt mәlәyi, sevgi mәlәyi
uşağın üzündә görükdü yenә.
Atalar yorulub vaxtsız yatanda,
Divansız yatanda, taxtsız yatanda,
Başının üstündә ulduz yatanda,
Qәmin uşaqları ayıq olarlar.
Elәcә, elәcә
bir qaya yanında, bir daş dibindә
bir çiçәk ayılar bir gecәyarı,
baxar göyә görәr
bu göy üzünün
yatıb qayaları, yatıb dağları.
