Page 369 - antologiya - poeziya_175x250_Layout 1

×ingiz ßlioülu

Mәhәbbәt düsturu

Oxşardır sevginin tarixçәlәri...
Yatmışdıq yuxudan ayıldıq, әlbәt!
Belәdir bir eşqin nәticәlәri
Üstәgәl ayrılıq, çıxaq mәhәbbәt...

Heç kimә dәrs deyil, olub-olacaq...
Hәzz ilә zülm edir özünә millәt.
Sәndәn gördüklәrim bunlardır ancaq
Üstәgәl mәşәqqәt, çıxaq mәrhәmәt...

Hәr şeydә günahkar tәk mәni saydın, 369
Biz necә olaydıq sәninlә xoşbәxt?!
Cәbrinin cavabı öncәdәn aydın,
Üstәgәl haqsızlıq, çıxaq әdalәt!!!

Nә günә qoyurdu mәni o eşqin,
Hardandı sәndәki bu kin, küdurәt?!
Hasilә nә qaldı, indi bax sevin...
Üstәgәl miskinlik, çıxaq әzәmәt...

Dedilәr sınama, sınanan haqdı,
Әzilәn adamdan umma dәyanәt.
Gör gәlib axırı hayana çıxdı! –
Üstәgәl xәyanәt, çıxaq sәdaqәt...

Mәn ülfәt unadım, sәn hәsrәt dedin...
Dözümә tapmadım özümdә qüdrәt!
İndi bu qalığı haqq-hesab edin
Üstәgәl fәlakәt, çıxaq sәadәt...