Page 90 - "Xəzər"

NİYӘ?

Hələ balacadı bu qız bir qədər,
Baxışı durudu, həzindi səsi.
Hələ lap uşaqdı demək olar ki,
Zarafat etməyə çoxdu həvəsi.

– Gəl gedək qaranlıq meşədən keçək!
– Gəl gedək oyadaq bülbülləri biz!
Yolun qırağında – çardağın altda,
Sevimli skamyam gözləyir səssiz.

– Tez ol, gəl yüyürüb çəmənə gedək!
– Baxaq dan yerinin şəfəqlərinə!
Mənsə ixtiyarsız təslim oluram,
Nəsə söyləyirəm cavab yerinə.

90

Hisslərim burulur içimdə, amma,
2016 Həyatda bildiyim az deyil əsla.

Heç də asan deyil, yalqız qalıram,
Birlikdə olanda mən həmin qızla.

Bax budu, o, artıq kədərlənibdi,
Daha ciddi olur görüşən zaman.
Ziddiyyətlərimi bir kələf kimi
Daha da dolaşıq salıb o bu an.

Niyə bəs meşəylə getmişdik axı?
Niyə oyatmışdıq biz bülbülləri?
Niyə dayanıbdı çardağın altda
Tənha skamya o vaxtdan bəri?

Nikolay Rubtsov. Şeirlər