Page 129 - "Xəzər"

i tərəddüdlərini nə qədər yaxşı anlayır-
dısa, öz çatışmazlıqları ilə də bir o qədər
sərt mübarizə aparırdı. Onları beşikdəcə
boğur, daim öz yüksək prinsiplərinə uyğun
hərəkət edir, həyatını sərt intizama tabe
etməklə, içində nəsə gizli bir sevinc yaşa-
yırdı.
İndi, Müstəqillik Günü, səhər saat altı
ilə yeddi arasında Şimşon Şeynbaum hələ
baladan yetim qalmış ataya o qədər də
oxşamırdı, amma bu rola özünün bütün
parametrləri ilə ideal şəkildə uyğun gəlirdi.
Onun hər şeyi görən gözlərinin dərinliklə-
rində bir kinayə kölgəsi ilə yanaşı, melanxo-
lik ifadə gizlənmişdi; ciddi, uzaqgörən in-
sana xas üzü vardı.
İndi masa arxasında dimdik oturub,
başını səhifələrə sarı əyib. Otaqdakı bütün
mebellər kimi, bu masa da şümal ağacdan
düzəldilib, – çox rahat və bəzək-düzək-
sizdir. Evi, əhalisi kifayət qədər varlı olan
kibuslardakı1 kottecdən çox, rahib hücrə-
sinə oxşayır.
Məhsuldarlıq bu səhərin nəsibi deyildi.
Düşüncələri səhər alatoranında ani gö-
rünüb yox olan yuxuya təkrar-təkrar qayı-
dırdı. Yuxunu mütləq xatırlamalı olacaqdı;
yalnız bundan sonra onu unudub diqqətini
öz işinə cəmləyə bilərdi. Deyəsən, orda
xortum idi, şlanq idi, nəydi, amma vardı,
bir də qızıl balıq... ya da ona bənzər nə-
sə. Deyəsən, kiminləsə mübahisə edirdi.
Yox e-e, əlaqəsiz şeylərdir... İşə başlamaq
vaxtıdır. Belə çıxır ki, Poaley Sion2 hərəkatı
lap əvvəldən üstünü adi boşboğazlıqlarla
pərdələməyə çalışdıqları barışmaz ideoloji
ziddiyyətlər üzərində qurulub. Bu ziddiy-
yətləri kor da görərdi; hərəkatı sarsıtmaq,
fəaliyyətini gözdən salmaq üçün bu
ziddiyyətlərdən öz maraqları naminə
1 kibus – İsraildə kənd təsərrüfatı icması
2 Poaley Sion – Yəhudi Sosial-Demokrat Partiyası
istifadə etməyə cəhd göstərən istənilən 129
şəxs, sadəcə olaraq, nəyə girişdiyini başa 2016
düşmür. Və bunu sübut etmək çox asandır.
Amos Oz. Küləyin yolu
Şimşon Şeynbaumun zəngin həyat
təcrübəsi taleyimizi – həm şəxsi, həm ic-
timai – idarə edən əlin necə şıltaq, düşün-
cəsiz olduğuna onu inandırmışdı. Hələ
cavanlıq dövründən onu fərqləndirən
mötədillik, düzgünlüyünü heç vaxt əlindən
ala bilməmişdi. Ən diqqətəlayiq və gözəl
keyfiyyətlərindən biri – uzaqgörənliyi heç
vaxt imanına mane olmamış mömin
böyüklərimizə layiq daxili təmizlik idi.
Şeynbaumun sözlərilə əməli həmişə üst-
üstə düşmüşdü. Bizim rəhbərlərdən çox-
unun siyasətə girişib əl əməyini büsbütün
unutmalarına baxmayaraq, Şeynbaum
kibusu heç vaxt tərk etmirdi. O, başqa
işlərdən imtina etmiş, Fəhlə Konqresinin
iclaslarına qatılmağa isə çox həvəssiz
razılaşmışdı. Lap son zamanlara qədər
vaxtını fiziki və zehni əmək arasında
bölürdü: üç gün bağda işləyir, üç gün də
sevimli nəzəriyyələri üzərində çalışırdı.
Nof Harişin bağları öz gözəlliyinə görə
onun əllərinə borclu idi. Ağacları necə
əkdiyini, budadığını, dibini yumşaltdığını,
suladığını, bellədiyini, gübrələdiyini, yerini
dəyişdiyini, alağını elədiyini çoxları hələ
də xatırlayır. Hərəkatın aparıcı ideoloqu
olması icmanın sadə üzvü kimi borcunu
yerinə yetirməsinə heç vaxt mane olmurdu:
o, gecə növbəsinə çıxır, mətbəxdə növbə
çəkir, məhsul yığımına kömək edirdi.
Şamşon Şeynbaumun həyat yoluna ikili
standartlar qətiyyən kölgə salmamışdı;
xəyallarını dərhal həyata keçirirdi, zəiflik,
iradəsizlik ona yad idi – bir neçə il qabaq
hərəkatın katibi onun yetmişilliyi münasi-
bətilə məhz belə yazmışdı.