Page 546 - antologiya - poeziya_175x250_Layout 1

Azÿrbaycan ÿdÿbiyyatû antologiyasû

Sәn mәni dost elә bu düşmәn üçün...

İşıq var, içindәn qara әl baxır,
Kim gәlib qoruyar o kimdәn mәni?
İlahi, içimә yıxılmışam mәn,
İlahi, sәn qaldır içimdәn mәni...

Dişi vermәdin ki, didişmәk üçün,
Sәn mәni dost göndәr o düşmәn üçün...
Bir saman çöpünә ilişmәk üçün,
Min yol yolumu sal biçindәn mәnim...
546
Dayazda nә varsa, dәrinә gәtir,
Günәşә istidi, sәrinә gәtir...
Mәnim dә adımı dilinә gәtir, –
Qaytarma dilinin ucundan mәni...

Ney çalan deyilәm, mәn ney kimiyәm.
Yerinә düşmәyәn tәşbeh kimiyәm...
Mәn sapı qırılmış tәsbeh kimiyәm,
Salıb itirәrsәn ovcundan mәni...

Çiçәklәr boy atır ay işığına...

Çiçәklәr boy atır Ay işığına,
Sevdalı ulduzlar göydәn tökülür.
Tanrı biçir göydә bulud zәmini, –
Bahar yağışları dәn-dәn tökülür.

Gecәni mәst edib şehli çiçәklәr, –
Şeh deyil, gül üstә әtirdi, yoxsa?
Qaranquş gözümә yorğun görünür, –
Yazı dimdiyindә gәtirdi yoxsa?!