Page 351 - antologiya - poeziya_175x250_Layout 1
P. 351
Camal Yusifzadÿ
Ay qonşu, bu evin yiyәsi hanı?!
(anamın xatirəsinə)
Uzaqdan, uzaqdan,
Çox-çox uzaqdan,
Darıxıb gәlmişәm, qaçıb gәlmişәm,
Ay qonşu, bu evin yiyәsi hanı?
Eyvanda çıxardım ayaqqabımı,
Açdım pәncәrәni, açdım qapını,
Görmәdim qonağı qarşılayanı...
Ay qonşu, bu evin yiyәsi hanı?
Yağış suvağını yuyur bu evin, 351
Külәk şüşәsini döyür bu evin,
Sükut hay-küyünü qovur bu evin,
Zaman taxtasını ovur bu evin,
Ay qonşu, bu evin yiyәsi hanı?
Qapıda soyumuş bir әl yeri var,
Hәyәtdә qurumuş ayaq yeri var,
Alça ağacının sol tәrәfindә
Külü laxtalanmış ocaq yeri var,
Ay qonşu, bu evin yiyәsi hanı?
Uzaqdan gәlmişәm, ay ev yiyәsi,
Darıxıb gәlmişәm, uçub gәlmişәm,
Kül olub gәlmişәm, ay ev yiyәsi.
Hәr dәfә,
hәr dәfә, ay ev yiyәsi,
Qovrula-qovrula gәlib gedirәm,
Hәr dәfә,
hәr dәfә, ay ev yiyәsi,
Bu hәyәt-bacadan,
qonum-qonşudan
Soruşub gedirәm;
Ay qonşu, bu evin yiyәsi hanı?
