Page 225 - antologiya - poeziya_175x250_Layout 1

Sþhrab Tahir

Bağda bircә salxım üzümlә doydum,
Doymadım tәnәyin gözәlliyindәn.
Bir gilә şanını ağzıma qoydum,
Üzümü turşutdum şirinliyindәn.

Quşlar dәstә ilә bağa dolubdur,
Bürüyüb quşları üzüm yanğısı.
Abşeron bir yaşıl gәlin olubdur,
Üzüm salxımları boyunbağısı.

Tәlәsdir mәni
225
Nә soyuqdur ayrılığın tәnha nәfәsi,
Nә ötәri hicran, vüsal, sevgi hәvәsi,
Nә acıdır, nә qarlıdır ömrün zirvәsi,
Dünya baba, ölmәzliyә tәlәsdir mәni.

Mey ver mәnә, dünya kimi qartım, qocalım,
Od ver mәnә, taleyimdәn qızıl bac alım,
Elә yanım, öz әslimә qalxım, ucalım,
Dünya baba, ölmәzliyә tәlәsdir mәni.

Mәndәn sonra bәrk yağışlar yağacaq hәlә,
Gün bu gündәn daha parlaq doğacaq hәlә,
Ümidlәrim ulduz-ulduz axacaq hәlә,
Dünya baba, ölmәzliyә tәlәsdir mәni.

Güldüm hәr gün “o tay, bu tay” lәtifәsinә,
Taleyimin iki rәngli xәritәsinә,
Döndüm arzu gәlәcәyin firiştәsinә,
Dünya baba, ölmәzliyә tәlәsdir mәni.

Mәn gedirәm, gedişimlә dünya şәn olsun,
Bizdәn güclü nәsillәrin yeri gen olsun,
Mәndәn başqa bölünәnlәr barı tәn olsun,
Dünya baba, ölmәzliyә tәlәsdir mәni.