Page 192 - antologiya - poeziya_175x250_Layout 1
P. 192
Azÿrbaycan ÿdÿbiyyatû antologiyasû
Әsl mәhәbbәt ki, böyük hünәrdir,
Coşar ümman kimi tәzә arzular.
Mәnim dalğalarım xatirәlәrdir,
Orda tufan da var, burulğan da var.
Dәnizәm, eşqimdәn qaçmaq hәdәrdir,
Mәn ki adlayıram çölü, çәmәni.
Mәnim dalğalarım xatirәlәrdir,
Gecә dә, gündüz dә tapacaq sәni.
III
192
İstәsәn yuxuna gәlәrәm sәnin,
gәlәrәm dәniz kimi.
Üzünә incilәr çilәrәm sәnin,
çilәrәm dәniz kimi.
Yoluna şәfәqlәr sәpәrәm hәrdәn,
sәpәrәm dәniz kimi.
İstәsәn üzündәn öpәrәm hәrdәn,
öpәrәm dәniz kimi.
Adını qәlbimin sahillәrinә
yazaram dәniz kimi,
“Sevirәm” söylәsәn bir axşam mәnә,
Susaram dәniz kimi,
Susaram dәniz kimi.
IV
Dünyada sakitlik aramadım mәn,
Günәş kimi parla,
sәhәr kimi gәl.
Göylәrtәk yuxuma gәlmәk istәsәn,
Sәn aylı, ulduzlu göylәr kimi gәl.
