Page 184 - antologiya - poeziya_175x250_Layout 1

Azÿrbaycan ÿdÿbiyyatû antologiyasû

Sәn nә lәtafәtli, sәn nә incәsәn?
Qol-qanad olmusan hәr sevincә sәn.
Göy göldәn dәrilmiş qızıl qönçәsәn,
Bir gülsәn, qoy sәnә güldan olum mәn,
Doğulduğun günә qurban olum mәn.

Ömürlük sәnindir eşqim, sevgilim,
Sәninlә gülzara dönür hәr ilim.
Sәn tazә-tәr yaşa, solma, ey gülüm,
Qoy sәnin yerinә xәzan olum mәn,
Doğulduğun günә qurban olum mәn...

İntizar
184

Şiş dağların arxasında
Günәş batır, sevgilim.
Göy budaqlar arasında
Quşlar yatır, sevgilim.

Yuxum qaçmış, kirpiklәrim
Qovuşmayır gecәlәr.
Demә sәni vurğun qәlbim
Soruşmayır gecәlәr.

Ulduzların sanı qәdәr
Sәni yada salıram.
Evinizin qabağında
Sübhә kimi qalıram.

Sәhәr mehi pәncәrәnә
Qanad çalan anda mәn,
Camalına ilk pәrvanә
Oluram cahanda mәn.

Qara gözlüm, şәr qarışır,
Axşam düşür, gәl barı,
Vüsalla çiçәk açsın
Eşqimizin baharı.