Page 64 - antologiya - poeziya_175x250_Layout 1
P. 64
Azÿrbaycan ÿdÿbiyyatû antologiyasû
***
Şeyda bülbül, fәğan etmә, qәm yemә,
Bu gün, sabah gül açılır, yaz olur.
Әziz saxla, qәnimәt bil vücudun,
Vәfası yox gülün, ömrü az olur.
Deginәn Fәrhada, ey möhnәtpişә,
Şirindәn incimә, çal daşa tişә.
Aşiq mәşuq arasında hәmişә
64
İşvә olur, qәmzә olur, naz olur.
Gedәr, candan çıxar daği-hәsrәtin,
Artar gündәn-günә şanü-şövkәtin,
Sübhi-vәslә yetәr şami-firqәtin,
Dilәyin, mәtlәbin hamı saz olur.
Xәdәmәlәr durar sağü-solunda,
Cәvahir bazubәnd iki qolunda,
Fәvvarәlәr işlәr daim gölündә,
Yaşılbaşlı ördәk olur, qaz olur.
Nәbati, sevmişәm bir dilsitanı,
Bir sözü gülşәkәr, qönçә dәhanı,
Daha faş eylәmә sirri-nihanı,
Aşiqin könlündә yüz min raz olur.
