Page 553 - antologiya - poeziya_175x250_Layout 1

Ðÿøàä Ìÿcèä

Bir nәfәs qalmadı canda,
Dörd bölündüm darıxanda –
Qol bir yanda, baş bir anda
Mәnәm – mәğlub ordu, döndüm.

Bir günәş eylә...

Tanrının yerdәki әziz bәndәsi,
Mәni dә mülkündә kirәkeş eylә.
Artır qüvvәtimi, çoxalt gücümü,
Sıfırı bir eylә, biri beş eylә.

Qolla fәrmanını, әmrini qolla,
Çıxaram sınaqdan – testini yolla, 553
Üşüyәn qәlbimә istini yolla,
Odlu baxışını gur atәş eylә.

Durulan gölünәm, daşan selinәm,
Kölәn, cangüdәnin, qulun, dәlinәm,
Ovcunda yupyumşaq plastilinәm,
Yay mәni, yenidәn bir günәş eylә.

Bәsdi

Neçә ay içindәn çıxa bilmәdim:
Türmәdi, mәhbәsdi, qәfәsdi – bәsdi.
Gözümün yaşını yığa bilmәdim,
Kürdü, Hәkәridi, Arazdı – bәsdi.

Keçdim, qucağında xoş dәmi keçdim,
Sevinci, kәdәri, dәrd-qәmi keçdim,
Ruhumla bir sirli alәmi keçdim,
Vergidi, cadudu, nәfәsdi – bәsdi.

Sultandın, çevrildi taxt, sona yetdi,
Tale bağışlayan baxt sona yetdi,
Tanrının verdiyi vaxt sona yetdi,
Sevgidi, maraqdı, hәvәsdi – bәsdi!