Page 483 - antologiya - poeziya_175x250_Layout 1
P. 483
Adil Cÿmil
Bir dәfә
Yazın yazısını yaşayan çiçәk,
Bir dәfә açırsan, cәmi bir dәfә.
Әsarәt, cәsarәt bölgüsü varsa,
Kimi min yol ölür, kimi bir dәfә.
El ağlar dalınca eldәn getmişin,
Yoxsa nә mәnası altmış, yetmişin.
Vәdәsi gәlmişin, vaxtı yetmişin
Tapılmır çarәsi, çәmi bir dәfә.
483
Ayaq basdığımız bu tin, bu dalan
Böyümәk istәsәn, deyir xırdalan...
Yalançı dünyada sevinmәk yalan,
Gülәşsәn yıxmazsan qәmi bir dәfә.
Sinәmin dağları hәsrәt dağıdır,
Qurduğum qalanı hәsrәt dağıdır.
Mәnim bu ürәyim dәrd qaynağıdır –
Qurumur gözümün nәmi bir dәfә.
Nәfsi tox olanlar ölmәz acından,
Yolları keçirәr ayaq ucundan.
Ümid yox әyilәn dor ağacından –
Bir dәfә qәrq olur gәmi, bir dәfә.
