Page 482 - antologiya - poeziya_175x250_Layout 1

Azÿrbaycan ÿdÿbiyyatû antologiyasû

Qoyuldum bir dәli dәrviş yerinә,
Soyuldum meşәdә göyrüş yerinә.
Pıçıltın gül açan görüş yerinә
Bәs niyә gәlmәdin, niyә gәlmәdin?

Niyә xilaf çıxdın söylә, әhdinә,
Hәsrәtin çevrildi saçımda dәnә.
Bu eşqin yolunda imana, dinә
Bәs niyә gәlmәdin, niyә gәlmәdin?

Yaşayan ruhumdur, daha canım yox,

482 Vәslinә yetmәkçün ağ yalanım yox...
Sәnsiz mәn ölmüşәm – ağlayanım yox,
Bәs niyә gәlmәdin, niyә gәlmәdin?

Haçansa

Kölgәm kimi izlәmәkdә,
Bir qәfil olacaq mәni.
Üstündә gәzdiyim torpaq
Altına alacaq mәni.

Ruhum uçsa can soyuyar,
Damarımda qan soyuyar.
Ölәndә insan soyuyar –
İsitmәz od-ocaq mәni.

Sözümdәn sәtir bilәnlәr,
Dәyәrim nәdir bilәnlәr,
Hal әhli, qәdirbilәnlәr
Axtarıb bulacaq mәni.