Page 398 - antologiya - poeziya_175x250_Layout 1

Azÿrbaycan ÿdÿbiyyatû antologiyasû

Kәpәnәk olmuşam dünyada bir vaxt,
Qanadım da olub bilmәk istәsәn.
İstәyim dә olub özümә görә,
İnadım da olub, bilmәk istәsәn.

O qanad,
o inad,
o istәk hanı,–
O qanad,
o inad,
o istәk öldü.
Bircә gün çәkmәdi gәlib-getmәyi,
Kәpәnәk doğuldu, kәpәnәk öldü.
398
Ağca pambıq kimi,
ağca yun kimi,
Diddilәr, diddilәr o kәpәnәyi.
Daraşıb qanadlı, әlli-ayaqlı,
Yedilәr, yedilәr o kәpәnәyi.

Hanı o kәpәnәk, hanı o sevgi?–
Yaşamır, yaşamır, sәrçә balası.
Bu ağ kәpәnәklәr o kәpәnәyә,
Oxşamır, oxşamır, sәrçә balası.

…Sәn ey yeri, göyü yaradan kişi,
Uzaq görünürmü ordan yer sәnә?!
Bu qıza bu boyda sevgi vermisәn,
Mәnә dә bir azca sevgi versәnә.

Sәni dә düşәsәn mәnim günümә,
Sәnin göyün olsun,
quşun olmasın.
İlahi, neylәsәn, sәn mәnә eylә,
İlahi, bu qızla işin olmasın…