Page 450 - antologiya - poeziya_175x250_Layout 1

Azÿrbaycan ÿdÿbiyyatû antologiyasû

Payızlar, salam

Salam, sarı payız, xәzәllәr, salam,
Bir güllü yazı da belә itirdik.
Salam, sarısaçlı gözәllәr, salam,
Bahardan payıza nәyi itirdik.

Uçan illәrimә bir il dә hördüm,
Külәklәr daramır daha telimi.
Bir qızın әlindә üşüyәn gördüm,
Payız çiçәyini ürәyim kimi.

Geriyә qayıtmır bu cığır, bu yol,
450 Çәtin bu güneydә üz tutub qalam.
Sağ ol, güllü yazlar, baharlar, sağ ol,
Salam, xoş gәldiniz, payızlar, salam.

Dolanırıq biz

Saat әqrәbindә ötür ömür, gün,
Saat dairәsindә fırlanırıq biz.
Bizi fırlatsa da bu Yer kürәsi,
Yerin dә başına dolanırıq biz.

O dәrin dәryaya nahaq daş atdıq,
Çox da öyünmәyәk – qurduq, yaratdıq.
Biz hardan gәlirdik, haraya çatdıq? –
Allah ümidinә dolanırıq biz.

İlişib qalırıq haqda-nahaqda,
Yerimiz hardadır? – Başda-ayaqda,
Okeanlar, dәryalar durulaşmaqda,
Hәlә tәzә-tәzә bulanırıq biz?

Ömür dediyimiz bu qeylü-qalda
Axır bir sevdadı, әzәl bir sevda.
Bir gün kül olacaq, görәsәn, o da,
Nahaqdan odlara qalanırıq biz.