Page 203 - "Xəzər"

Әli: Ancaq eşitdim ki, sən də məni
qatil hesab eləmisən. Elə pis təsir elədi
ki... Düz üç ay yatanda oğrun-oğrun
ağladım.
Zilha: Qurtardı sözün?
Әli: İndi başlayıb. İçəridəkilərin
hamısının mənə yazığı gəlirdi.
Zilha: Bəs kəsə danışacaqdın?
Әli: Sözü ağzımda qoyma. Bir gün
türmədə nərd oynayırdıq. Oynadığım adam
zər atdı. Başladı mənimlə ana uşağı kimi
davranmağa. Gözüm qızdı. Dalaşdım.
Nərd taxtasını götürüb çırpdı başıma.
Özümdən getmişəm. İki saata zorla
özümə gəlmişəm. Burnumdan qan açılıb.
O qara qan elə bil o vaxta kimi mənim
bəsirətimi bağlayıbmış. Gözümlə birgə
beynimdəki pərdə də qalxdı. Qayçını
götürüb başladım məni vuranı axtarmağa.
Dörd nəfər məni zorla tutub saxlayırdı.
Zilha: Daha denən indi-indi özünə
gəlmisən də.
Әli: Birdən gözüm dönmüşdü.
Başlamışdım ana-bacı söyüşü filan
söyməyə. İndi fikirləş də özün. Türməyə
düşmüşəm, səni itirmişəm. Daha nə
itirəsiyəm axı? “Çamır Ehsanı mən
gəbərtmişəm, sizin də leşinizi atacam” –
deyə nərə çəkməyə başlamışdım. Elə bu
dəmdə müdirlə qarşılaşdım. Dedi ki,
“Deməli, cinayətini etiraf edirsən, elə?”.
“Lənətə gələsiz, qəbul eləyirəm, hə” –
dedim. Qəbul eləmədin noldu? Bir dənə
şillə ilişdirdi sifətimə. Mən də götürdüm
stulu çırpdım təpəsinə. Müdiri döymək
söhbəti də bundan sonra yayılıb. Səhərsi
gün bir də gördüm ki, mən keçəndə bütün
özündən deyən məhbuslar yoldan çəkilir,
mənə yol verir. O məni vuranı da gətirib
üzr istətdilər. Yalvar-yaxar elədi ki, qardaş,
mən bir səhv idi eləmişəm, sən eləmə.
Uzun sözün kəsəsi, o vaxtdan bəri ad- 203
sanımız artıb... 2015
Zilha: Allah bol eləsin. Haqqındı. Haldun Tanər. Kəşanlı Әli dastanı
Әli: Türmədə jurnalistlər gəlib yazıb-
pozurdular. Çamırı necə öldürdüyümü
soruşdular. Danışdım ki, belə-belə: üç
gün möhlət verdim, gecə mənə tələ
qurdu. Mən də, məcbur olub Bursa
bıçağıyla yortdum.
Zilha: Yəni, necə vurmusansa, elə
də danışırsan?
Әli: Ay qız, əsəbiləşdirmə məni.
Dediyim odur ki, bu dünyada namuslu,
vicdanlı oldunsa, səni adam yerinə qoyan
olmur. Cani, qatil oldunsa, hörmət
görürsən, sayılırsan. Ad-sanımız da elə
bu yalandan sonra çıxdı. Bu qədər...
Zilha: Әsl yalan bu danışdığındı e
(Yellənə-yellənə gedir). İşin-gücün
boşboğazlıqdı.
Әli: Yalan deyirəmsə, Quran gözümü
töksün.
Zilha (Birdən ciddiləşir): Madam ki,
elədi, onda niyə gedib hamıya düzünü
demirsən?
Әli (Utanaraq): Ox yaydan bir dəfə
çıxıb. Kişi adam tüpürdüyünü yalamaz.
Zilha (Tamaşaçılara): Sözə bax ha..
Kişi adam başqasının işlədiyi cinayəti öz
adına çıxarar?
Әli (Uşaq kimi): Ay qız, indi olub də...