Bakıda Ukrayna yazıçılarının əsərləri təqdim olundu
M.F.Axundov adına Milli Kitabxanada tanınmış Ukrayna yazıçıları Vladimir Danilenkonun “Qürub çağının işığında” və Nikolay Xomiçin “Sərdabənin sirri” kitablarının təqdimat mərasimi keçirilib. Mərasimi giriş sözü ilə açan Azərbaycan Tərcümə Mərkəzinin İdarə heyətinin sədri, yazıçı Afaq Məsud tarix boyu Ukrayna-Azərbaycan xalqları arasında mövcud olan dostluq və qardaşlıq münasibətlərindən, son illər Mərkəzin Ukrayna-Azərbaycan ədəbi əlaqələri üzrə həyata keçirdiyi layihələrdən, Ukrayna ədəbiyyatını Azərbaycana, Azərbaycan ədəbiyyatını Ukraynaya tanıdan antoloji nəşrlərdən söz açaraq, bu işin bundan sonra da, daha geniş və əhatəli şəkildə davam etdiriləcəyini bildirib.
Sonra söz Ukraynanın Azərbaycan Respublikasındakı fövqəladə və səlahiyyətli səfiri cənab Aleksandr Mişenkoya verilib. Səfir xalqlar arasında anlaşmanın və doğmalığın təməlini qoyan belə layihələrin ictimai-siyasi əhəmiyyətindən danışaraq, bu şərəfli missiyanı davamlı və layiqli şəkildə həyata keçirdiyinə görə Azərbaycan Tərcümə Mərkəzinə minnətdarlığını bildirib.
Tədbirdə çıxış edən Azərbaycan Respublikası Prezidenti yanında “Bilik Fondu”nun direktoru Oqtay Səmədov, Mərkəzin aparat rəhbəri Yaşar Əliyev, Elm, təhsil və mədəniyyət idarəsinin müdiri, yazıçı Etimad Başkeçid kitabların ədəbi-bədii məziyyətləri barədə danışaraq, hər iki nəşrin Ukraynanın tarixi, müasir həyatı, ədəbi-bədii düşüncəsi barədə Azərbaycan oxucusunda dolğun təsəvvür yaradacağını, kitaba, ədəbiyyata diqqət və marağın artmasına öz töhfəsini verəcəyini bildiriblər.
Sonda söz Ukrayna yazıçılarına – Ukrayna Yazıçılar Birliyinin sədri Vladimir Danilenko və tanınmış nasir Nikolay Xomiçə verilib. Yazıçılar son iki ildə Ukrayna Yazıçılar Birliyinin Azərbaycan Tərcümə Mərkəzi ilə sıx əməkdaşlıq çərçivəsində ərsəyə gətirilmiş nəşr layihələrindən danışaraq, ilk dəfə olduqları Bakının gözəlliyindən heyrətə gəldiklərini, qədim şairlərin heykəlləri ilə dolu olan bu şəhərin, burada baş tutan kitab bayramları ilə böyük ədəbiyyat ocağına, bədii düşüncə və kitab mərkəzinə çevrildiyini diqqətə çatdırıblar.
Tədbirin sonunda Ukrayna Yazıçılar Birliyinin sədri Vladimir Danilenko Ukraynanın milli ornamentli suvenirini Mərkəzin rəhbəri Afaq Məsuda təqdim edib.
Qalereya
VƏ DİGƏR...
-
Mövlud Mövludun hekayəsi Türkiyə portallarında
Türkiyənin populyar “Detayhaberler.com”, “Dibace.net”, “Haber.232.com” portalları Dövlət Tərcümə Mərkəzinin “Ən yeni Azərbaycan ədəbiyyatı” layihəsi çərçivəsində həyatdan vaxtsız getmiş istedadlı yazıçı Mövlud Mövludun türk dilinə...
-
“Azərbaycan dilinin orfoqrafiya lüğəti”ndən çıxarılan sözlərin Təsnifatı” kitabı nəşr olundu
Dövlət Tərcümə Mərkəzi “Azərbaycan dilinin orfoqrafiya lüğəti” (Nəsimi adına Dilçilik İnstitutu; 2013-cü və 2021-ci il nəşrləri) kitabından çıxarılan orfoqrafik, qrammatik qüsurların, milli mentallığımıza kölgə salan əcaib mənalı söz...
-
Səfir Karlos Enrike Valdes de la Konsepsyon: “Azərbaycan–Kuba ədəbi əlaqələrində yeni mərhələ başlayır”
Kuba Respublikasının Azərbaycanda fövqəladə və səlahiyyətli səfiri cənab Karlos Enrike Valdes de la Konsepsyon aprelin 3-də Dövlət Tərcümə Mərkəzinə təşrif buyurub.